Farg‘onada yirik zavodda ish o‘rnini salkam 1,5 ming $ga sotgan firibgar qo‘lga olindi

Obuna bo‘lish
Kuvasoy shahrida istiqomat qiluvchi shaxs, "Kvars" kombinatiga ishga joylashtirishda yordam berish evaziga farg‘onalik ayoldan tamagirlik yo‘li bilan pul talab qilgan

TOShKENT, 27 apr — Sputnik. O‘zbekiston Milliy xavfsizlik xizmati "Kvars" AJ korxonasiga ish joylarini sotish bilan shug‘ullangan xodimni katta miqdorda pul olayotganida qo‘lga oldi.

Viza v pasporte - Sputnik O‘zbekiston
AQShga soxta viza tayyorlash bilan shug‘ullanuvchi tovlamachi ayol qo‘lga olindi
Ma’lum bo‘lishicha, Quvasoy shahrida yashovchi, "Kvars" AJda ishlovchi Rahmatullayev Abbosxon, ushbu korxonaga ishga joylashtirishda yordam qilish uchun Farg‘onada istiqomat qiluvchi ayoldan 1,3 ming dollar pul mablag‘ini tamagirlik yo‘li bilan talab qilgan. Tezkor tadbir natijasida A.Rahmatullayev Quvasoy shahrida pulni olish jarayonida qo‘lga olingan.

Prokuratura organlari tomonidan qo‘lga olingan shaxs yuzasidan Jinoyat kodeksining bir necha moddalari bo‘yicha jinoyat ishi qo‘zgatildi. Shu bilan birga, hozirgi kunda Rahmatullayevning jinoiy aloqalarini to‘liq aniqlash bo‘yicha ish davom etmoqda.

Eslatib o‘tamiz, "Kvars" korxonasi Markaziy Osiyoda eng yirik rangli, qoraytirilgan, toblangan oynalar hamda shisha idishlarni ishlab chiqaruvchi korxona hisoblanadi. Korxona mahsulotlari Qozog‘iston, Turkmaniston, Tojikiston, Qirg‘iziston va Afg‘onistonga eksport qilinadi. 

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0