05:20 25 Noyabr 2017
Efir
Zarubejnыe stranы. Germaniya. Berlin

Oʻzbekiston sudyalari tajriba oʻrganish uchun Germaniyaga borishdi

© Sputnik/ Igor Zarembo
Jamiyat
Havola olish
9001

Oʻzbekistonlik sudyalar va Oliy Majlis vakillari Germaniyada sud tizimida axborot kommunikatsiya tiziming qoʻllanilishi, bir xil qoidabuzarlik uchun turli sudlarda bir xil jazo qoʻllanilishi, kadrlar boshqaruvi kabi masalalarni oʻrganishmoqda.

 

TOSHKENT, 16 may — Sputnik. Dunyoning yetakchi mamalkatlari tajribasini oʻrganish maqsadida Oʻzbekiston sudyalari hamda Oliy Majlis vakillari 7-14 may kunlari Germaniyada boʻlishdi, deb xabar qilmoqda “Jahon” axborot agentligi.

Tashrif davomida ular Germaniyaning Oliy sudida, Germaniya sudlar assotsiatsiyasida, GFR sudyalar akademiyasida, Bavariya viloyatining oliy maʼmuriy sudida boʻlishdi.

Oʻzbekistonlik sudyalar tashrif davomida Germaniya tajribasiga, ayniqsa sud tizimida axborot kommunikatsiya texnologiyalari qoʻllanilishiga katta  eʼtibor berishdi. Shuningde turli sudlarda bir xil qoidabuzarlik uchun bir xil jazo qoʻllanilishiga ham alohida eʼtibor berildi.

Germaniya tajribasini oʻrganish bilan bir qatorda, sudlalar Oʻzbekiston sud-huquq tizimida olib borilayotgan islohotlar, kiritilayotgan yangiliklar haqida axborot berishdi.

Tashrif yakunida Oʻzbekiston Oliy sudi sudyasi Shaxnoza Axatova ushbu tashrif haqida oʻz fikrini bildirdi.

“Maʼlumki, bizning yurtimizda  sud-huquq islohotlari faol ravishda oʻtkazilmoqda. Ushbu yilning iyun oyidan boshlab maʼmuriy sudlar oʻz faoliyatini boshlaydi. Sud tizimining barcha jabhalariga AKT kiritilayotgani tufayli sudyalar malakasini oshirish  nazarda tutilgan. Tashrif davomida biz ushbu ishlar Germaniyada qanday tashkil qilingani haqida koʻp foydali maʼlumotlar oldik. Uyga qaytgach ushbu tajribamizni bizning kundalik faoliyatimizga tadbiq qilish umididamiz”, — dedi sudya.

Oʻzbekiston delegatsiyasining Gʻarbiy Yevropa mamlakatlariga safari  davom etmoqda. Ayni damda delegatsiya Avstriyaga yoʻl olgan.

 

Asosiy mavzular