Kansahamnida - koreys xalqining O‘zbekistonga minnatdorlik ramzi

© Assotsiatsiya koreyskix kulturnix sentrov UzbekistanaOtkritie Monumenta blagodarnosti uzbekskomu narodu ot koreysev Uzbekistana
Otkritie Monumenta blagodarnosti uzbekskomu narodu ot  koreysev Uzbekistana - Sputnik O‘zbekiston
Obuna bo‘lish
"Kansahamnida" - koreys tilida "rahmat" yoki "minnatdorman" degan ma’noni anglatadi. Yodgorlik O‘zbekistondagi koreys madaniy markazlari tashabbusi bilan yaratilgan.

TOShKENT, 3-iyul — Sputnik. Bugun Toshkentdagi Do‘stlik bog‘ining "Seul-park" burchagida koreys xalqining O‘zbekistonga ko‘chib kelganining 80-yilligiga bag‘ishlangan yodgorlik ochilish marosimi bo‘lib o‘tdi.

Marosimda Toshkent hokimi Raxmonbek Usmanov va Seul meri Pak Von Sun ishtirok etishdi.

© Assotsiatsiya koreyskix kulturnix sentrov UzbekistanaSeul meri Pak Von Sun
Mer g.Seula g-n Pak Von Sun - Sputnik O‘zbekiston
Seul meri Pak Von Sun
"Uzoq yillardan beri o‘zbek va koreys xalqlarini bir-biriga o‘xshash urf-odatlar, do‘stona munosabatlar, madaniyat va dunyoqarashlar o‘xshashligi bog‘lab turibdi. Bizning xalqlarga vatanparvarlik, mehnatsevarlik, ko‘ngli kenglik, o‘zaro hurmat, kattalarga ehtirom va kichiklarga izzat, toqatlilik va iroda kabi xususiyatlar xos", — dedi Viktor Pak, Oliy Majlis deputati va yodgorlik yaratish tashabbuskorlaridan biri.

Yodgorlik bir necha yil davomida yaratilgan. O‘tkazilgan tanlovlarda Toshkent viloyati Yuqorichirchiq tumanida yashovchi, Benkov nomli Toshkent Baddiy san’at o‘quv  yurtini tugatgan Artur Kvonning ishi g‘olib chiqqan. Bundan oldin Kvon Navoiy teatrining ta’mirlash ishlarida ham rahbarlik qilgan.

© Assotsiatsiya koreyskix kulturnix sentrov UzbekistanaTadbirga taklif qilingan qariyalar
Jiteli g. Tashkenta proxodat mimo fotovistavki v  parke Drujbi  - Sputnik O‘zbekiston
Tadbirga taklif qilingan qariyalar
"Hozir O‘zbekistonda koreys millatining beshinchi avlodi tug‘ilib o‘smoqda. Ular O‘zbekistondan boshqa vatanni o‘zlariga tasavvur ham qila olishmaydi, lekin hali o‘sha mudhish 1937-yilni esidan chiqarmagan qariyalar ham bor. Ular ko‘chib kelganlar bilan so‘nggi nonini bo‘lishgan o‘zbek xalqining bag‘ri kengligini, ko‘rsatgan yordamini unutmaydi. Mahalliy aholi koreys xalqiga nafaqat oyoqqa turib olishga, balkim O‘zbekiston oilasining to‘laqonli a’zolari bo‘lishga imkon yaratib berdi.Bu yerda biz haqiqiy vatanimizni topdik", — deyilgan yodgorlik ochilishi munosabati bilan Koreys madaniy markazi tarqatgan xabarda. 

Eslatib o‘tamiz, o‘tgan asrning 30-yillarida o‘n minglab koreys millati vakillari majburiy ravishda Uzoq Sharq o‘lkasidan O‘rta Osiyoga, asosan O‘zbekistonga ko‘chirilgan edi. Bugungi kunda O‘zbekistonda koreyslar soni 200 mingga yaqin.

Yangiliklar lentasi
0