TOShKENT, 20-iyul — Sputnik. 19-iyul kuni Xalqaro press-klubda parlament a’zolari va siyosiy partiyalar vakillari bilan to‘g‘ridan-to‘g‘ri muloqot bo‘lib o‘tdi.
Yig‘ilishda yoshlar, xalq bilan muloqot, Oliy Majlis va siyosiy partiyalar ishlash tizimi yuzasidan muhokama bo‘lib o‘tdi.
Deputatlar va mutaxassislar fikrlari va takliflaridan iqtiboslar keltirib o‘tamiz.
"Deputatlar odamlarni ijtimoiy yoki sinfiy tomondan ajratishmayapti, ular hamma bilan baravar ish olib borishmoqda" — deb ta’kidladi Oliy Majlis Qonunchilik palatasi deputati Rasul Kusherbayev.
Huddi shu palatasi deputati Muxarram Dadaxo‘jayeva esa yoshlar ta’limiga alohida e’tibor qaratish zarurligini aytdi. "Yoshlarga ular xorijiy davlatlar siyosatini chuqur o‘rganishlari uchun imkoniyat yaratish kerak. Shuningdek, erta yoshdan bolalarni rivojlantirish va tarbiyalash ishlariga alohida e’tibor qaratish zarur".
"Milliy tiklanish" demokratik partiyasi Markaziy kengash raisi o‘rinbosari Feruza Muhamejanova esa 2004-yilda qurilgan 465 ta maktabda kutubxona yo‘qligi, musiqa maktablarda esa 3 ta o‘quvchiga 1 dona sripka, 50 dan ortiq o‘quvchiga 1 ta rubob to‘g‘ri kelayotganini misol tariqasida keltirib o‘tdi. Shuningdek, butun respublika bo‘yicha ta’lim tizimini yaxshilash va muamolarni hal qilish uchun xalq bilan ko‘proq muloqot qilish kerakligini ta’kidladi.
"Band aholining 30 % bugungi kunda rasman ishlamaydi. Buning asosiy sababi ishga qabul qilish jarayonining murakkabligidir. Misol uchun, nima sababdan ma’lum miqdordagi taksichilar rasman ro‘yxatdan o‘tishmayapti? Buning asosiy sabablari: mashinaning rangini o‘zgartirish zarurligi, yangi raqam olish hamda qo‘shimcha to‘lovlarni to‘lash kerakligida. Lekin ushbu talablarni minimal darajaga keltirish mumkinku? Nima sababdan deputatlar bunday muammolarni hal etish bo‘yicha qonun loyihalarini taqdim etishmayapti?"- dedi Oliy Majlis Qonunchilik palatasi deputati Abdurashid Abduqodirov.
"Hokim lavozimiga partiyalar o‘z nomzodlarini qo‘yishlari kerak. Partiya hukumat bilan kengroq ishlashi kerak"- deb taklif kiritdi Muqimjon Qirg‘izboyev.
Buyuk Britaniya elchixonasi bu masalada yordam berishga tayyor ekanligini bildirgan.
Bundan tashqari, xorijiy tajribalarni o‘rganish bo‘yicha institut tashkil etish taklifi kiritilgan.
Ilmiy tadqiqotlar instututlarni tashkil etish tufayli ko‘plab muammolarni hal qilish mumkinligi aytilgan.
