15:23 15 Dekabr 2017
Efir
Prezident Uzbekistana Shavkat Mirziyoyev

Mirziyoyev samarasiz va ahamiyatga ega boʻlmagan majlisbozliklarni qatʼiy taqiqladi

© Pravitelstvennыy portal Respubliki Uzbekistan
Jamiyat
Havola olish
149860

Koʻrib chiqiladigan masalalarga bevosita aloqador boʻlmagan davlat organlari, nodavlat notijorat tashkilotlarining mansabdor shaxslari yigʻilishlarga taklif qilinishi va ishtirok etishiga yoʻl qoʻyilmaydi

TOSHKENT, 9 avgust — Sputnik. Oʻzbekiston prezidentining "Hududlarning jadal ijtimoiy-iqtisodiy rivojlanishini taʼminlashga doir ustuvor chora-tadbirlar toʻgʻrisida"gi qarorida maʼmuriy ish hajmini oshiradigan va yuklatilgan vazifalarni bajarishdan chalgʻitadigan idoralararo yigʻilishlarni oʻtkazish taqiqlandi.

"Asossiz, samarasi kam, amaliy ahamiyatga ega boʻlmagan, davlat organlari va boshqa tashkilotlarning mansabdor shaxslariga keraksiz maʼmuriy ish hajmini oshiradigan va yuklatilgan vazifalarni bajarishdan chalgʻitadigan idoralararo yigʻilishlarni oʻtkazish qatʼiy taqiqlansin.

Davlat hokimiyati organlari, davlat va xoʻjalik boshqaruvi organlari rahbarlariga oʻtkaziladigan yigʻilishlarga koʻrib chiqiladigan masalalarga bevosita aloqador boʻlmagan davlat organlari, nodavlat notijorat tashkilotlarining mansabdor shaxslari taklif qilinishi va ishtirok etishiga yoʻl qoʻyilmasligi koʻrsatib oʻtilsin", deyiladi qarorda.

Koʻrsatilgan talablarning qatʼiy bajarilishi ustidan lozim darajada monitoring olib borilishini taʼminlash Oʻzbekiston Respublikasi Bosh prokuraturasi zimmasiga yuklatildi.

Asosiy mavzular