Buxoro viloyatida eng yaxshi qaynona aniqlandi

Obuna bo‘lish
"Adolatli qaynona" tanlovining viloyat bosqichida g‘olib bo‘lgan Ra’no Hamroyevaning so‘zlariga ko‘ra, qaynona ozgina ruhshunos bo‘lishi shart

TOShKENT, 23 avg — Sputnik. Ra’no Hamroyeva Buxoroda bo‘lib o‘tgan "Adolatli qaynona" ko‘rik-tanlovining viloyat bosqichida g‘olib deb topildi, deb xabar qildi Buxoro viloyati matbuot-xizmati.

O‘zbekiston prezidenti Shavkat Mirziyoyev - Sputnik O‘zbekiston
Shavkat Mirziyoyevdan bo‘lajak qaynonalarga maslahat
Xabarda aytilishicha, O‘zbekiston "Adolat" sotsial-demokratik partiyasi viloyat kengashi, "Mahalla" xayriya jamoat fondi viloyat bo‘limi hamkorligida tashkil etilgan tanlovda 8 qaynona ishtirok etgan.

Ishtirokchilarning farzand tarbiyasi, O‘zbekiston Respublikasining Oila kodeksi, partiya faoliyatiga doir bilimi va dunyoqarashi sinovdan o‘tkazilgan.

G‘olibni aniqlashda ayollarning o‘z mahallasida tashabbuskorligi, ijtimoiy daxldorligi, oila va mahalla munosabatlari bilan bog‘liq milliy an’analar, yoshlarning ma’naviyati, madaniyati va ma’rifatini yanada yuksaltirish orqali oilalarda barkamol avlodni ulg‘aytirishdagi ibratli tajribasiga ham e’tibor qaratilgan.

Birinchi o‘rinni egallagan Ra’no Hamroyevaga tanlovning mamlakat bosqichiga yo‘llanma berilgan.

Internetda ko‘p xotinli "boylar" mavzusi qizg‘in muhokama qilinmoqda
"Totuvlik ko‘p narsaga bog‘liq, — deydi R.Hamroyeva. — Avvalo, uyingizga kelin bo‘lib tushgan qizni o‘z farzandingiz kabi ko‘rishingiz kerak. Uning yangi oilaviy muhitga moslashishiga ko‘maklashish, oilada uchrab turadigan turli kelishmovchiliklarni vazminlik va aql bilan hal qilishga o‘rgatish kerak. Qaynona ozgina ruhshunos ham bo‘lishi shart. Biz mahalla yig‘ini maslahatchisi bilan hamkorlikda oilalardagi muammoli holatlarni ana shu yo‘l bilan hal etishga harakat qilamiz. Keyingi bir yilda hududimizda birorta ham oilaviy ajralish qayd etilmadi".

Shuningdek, tanlovda Jondor tumanidan partiya a’zosi Soliha Qo‘ziyeva ikkinchi, Kogon shahar vakilasi Muhabbat Saidova uchinchi o‘rinni egallagan.

Yangiliklar lentasi
0