14:31 24 Oktyabr 2017
Efir
Reysovыe avtobusы

Oʻzbekiston va Qozogʻiston oʻrtasida avtobuslarning muntazam qatnovi yoʻlga qoʻyiladi

Sputnik / Kirill Kallinikov
Jamiyat
Havola olish
85630

Avtobus qatnovi ikki davlat oʻrtasidagi chegarani kesib oʻtishdagi noqulayliklardan xolos etadi

TOSHKENT, 20 sen — Sputnik. Shu yil yakuniga qadar Oʻzbekiston va Qozogʻiston yirik shaharlari oʻrtasida muntazam avtobus qatnovi yoʻlga qoʻyiladi. Bu haqda Qozogʻiston investitsiya va rivojlantirish vaziri Jenis Kasimbek maʼlum qildi.

Sputnik Qozogʻiston maʼlum qilishicha, chorshanba kuni deputatlar yalpi yigʻilishida ikki davlat oʻrtasida xalqaro avtomobil qatnovi toʻgʻrisidagi hukumatlararo bitimga tegishli oʻzgartirishlar kiritish boʻyicha bayonnomasini ratifikatsiya qilish masalasi koʻrib chiqildi.

Yigʻilishda Qozogʻiston investitsiya va rivojlantirish vaziri Jenis Kasimbek soʻzga chiqib, bugungi kunda Qozogʻiston va Oʻzbekiston oʻrtasida yoʻlovchilarni tashish boʻyicha avtobus qatnovi yoʻlga qoʻyilmaganligi, bu oʻz navbatida fuqarolarga cheragani kesib oʻtishda noqulayliklar keltirib chiqarayotganligini taʼkidlab oʻtdi.

Ushbu bayonnomada muntazam, muntazam boʻlmagan va tranzit yoʻnalishdagi avtobus qatnovini tartibga solish boʻyicha huquqiy normalar qayd etilgan.

"Ushbu bayonnoma kuchga kirishi bilan oʻng ikki davlatning yirik shaharlari oʻrtasida muntazam avtobus qatnovi yoʻlga qoʻyiladi. Rejalarimizga koʻra, avtobus qatnovi shu yil yakuniga qadar ochiladi", — dedi Kasimbek.

Uning soʻzlariga koʻra, ushbu bayonnomani ratifikatsiyasi natijasida qoʻshni davlatlarning savdo-iqtisodiy aloqalar rivojlanishiga ijobiy turtki beradi. Shuningdek, davlatlar oʻrtasida aholi qatnovini koʻpaytirish va ikki tomonlama aloqalarni mustahkamlanishga yordam beradi.

Majlis deputatlari bayonnomani ratifikatsiyasini qoʻllab-quvvatlashdi.

Asosiy mavzular