Mol-mulklaridan ayrilgan fuqarolar qarzni bir kunda to‘lashmoqda - MIB

© Sputnik / Igor Zarembo / Mediabankka o‘tishProizvodstvo televizorov na zavode kompanii "Telebalt"
Proizvodstvo televizorov na zavode kompanii Telebalt - Sputnik O‘zbekiston
Obuna bo‘lish
Majburiy ijro burosi xodimining axborotiga ko‘ra kommunal xizmatlar uchun to‘lovlarni turli vajlar bilan amalga oshirmagan fuqarolar hali ham kam emas

TOShKENT, 21 sen — Sputnik. Telefon va televizor olib qo‘yilgach qarz bir kunda to‘landi, deb xabar qilgan majburiy ijro burosi Samarqand shahar bo‘limi davlat ijrochisi Hasan Pardayev "Zarafshon" nashriga.

Xabarda Bosh prokuratura huzurida majburiy ijro burosi tashkil etilgach, kommunal qarzdorlikni kamaytirishda ijobiy natijaga erishilayotgani qayd etilgan.

Elektr quvvatini tejovchi lampalar - Sputnik O‘zbekiston
MIB fuqarolardan qarzdorlikni tekshirib borishni so‘radi
Shuningdek, kommunal xizmatlar uchun to‘lovlarni turli vajlar bilan amalga oshirmagan fuqarolar hali ham kam emasligi qo‘shimcha qilingan. Majburiy ijro burosi xodimlari tomonidan yozma ravishda ogohlantirilib, to‘lovdan qochishning huquqiy oqibatlari tushuntirilgandan keyin ham loqaydlikda davom etayotganlar uchramoqda.

Jumladan, Samarqand shahri Istiqbol ko‘chasida yashovchi B.Ibragimovga tabiiy gazdan 1 704 871 so‘m qarzdor ekani sababli chaqiruv qog‘ozi yuborilgan va rasmiy ravishda ogohlantirilgan. Fuqaroga qarzni ixtiyoriy ravishda to‘lash uchun berilgan besh kunlik muddatda ham qarz to‘lanmagach, qarzni undiruv fuqaroning mol-mulkiga qaratilgan. Qarzdorga tegishli maishiy va elektr jihozlar xatlanib, dalolatnoma tuzilgan va realizatsiya maqsadida olib qo‘yilgan.

Shundan so‘ng fuqaro qarzlarini bartaraf etib, "Samarqandshahargaz" filiali hamda davlat foydasiga keltirgan zararni qoplagan.

Ruki v naruchnikax - Sputnik O‘zbekiston
Qo‘ng‘irotda MIB xodimini urgan fuqaro qamoqqa olindi
Shu ko‘chada istiqomat qiluvchi B.Ernazarov ham tabiiy gazdan 2 216 013 so‘mlik qarzini o‘z vaqtida to‘lashni istamagan. Natijada bu fuqaroning ham xonadonidagi mol-mulklar olib qo‘yilgan.

Fuqaro bir necha yildan buyon qolib ketayotgan barcha qarzlarini va davlatga keltirgan zararini to‘lagan.

2017 yil 1-iyul holatiga ko‘ra Samarqand viloyatida elektr energiyasidan qarzdorlik 328 milliard, tabiiy gazdan 299 milliard so‘mdan oshgan. Majburiy ijro burosi viloyat boshqarmasining asosiy vazifalaridan biri ana shu qarzdorlikka aniqlik kiritib, uni bartaraf etishdan iborat.

Yangiliklar lentasi
0