TOShKENT, 10 noya — Sputnik. O‘zbekiston Respublikasi Konstitutsiyasining 93-moddasi 15-bandi va 102-moddasi hamda xalq deputatlari Samarqand viloyat Kengashining qaroriga muvofiq Turobjon Ikromovich Jo‘rayev Samarqand viloyati hokimi lavozimiga tayinlandi. Bu haqida prezident matbuot xizmati xabar berdi.
Turobjon Jo‘rayev Moliya vaziri o‘rinbosari, Xalq ta’limi vaziri sifatida ishlagan (2004-2008 yillar), keyinroq 2008-2011 yillarda Surxondaryo viloyatida hokim bo‘lgan.
Joriy yilning aprel oyida Toshkent viloyatining Bekobod tumani hokim lavozimiga tayinlangandi.
Jo‘rayev 12-iyun kuni sobiq hokim Himmat Oqbo‘tayev o‘rniga Samarqand viloyati hokimi vazifasini bajaruvchi sifatida ish boshlagan edi.
