Quyosh energiyasidan foydalanganlik uchun davlatga to‘lov to‘lanmaydi - ekspert

© Sputnik/Dilshoda RaxmatovaTen Aleksey Trofimovich, kommercheskiy direktor sp ooo Quyosh issiqlik energiyasi
Ten Aleksey Trofimovich, kommercheskiy direktor sp ooo Quyosh issiqlik energiyasi - Sputnik O‘zbekiston
Obuna bo‘lish
O‘zbekistonda quyosh bir yilda 300 kundan ortiq nur sochadi va olingan quyosh energiyasidan samarali foydalanish mumkin

TOShKENT, 2 dek — Sputnik. O‘zbekistonda quyosh energiyasidan foydalanganlik uchun aholi hech qanday soliq yoki boshqa to‘lov to‘lamaydi. Sputnik muxbirining bu haqdagi savoliga energiyani tejash, muqobil energiya manbalarini ommalashtirish va energiya resurslaridan oqilona foydalanish bo‘yicha Toshkentda bo‘lib o‘tgan GREEN ENERGY FORUM anjumani doirasida "Quyosh issiqlik energiyasi" MChJ qo‘shma korxonasi tijorat direktori Aleksey Ten javob berdi.

"Aholining bu boradagi ma’lumoti judayam kam, ko‘pchilik biror yangilik olib kirsang, farovon yashashga harakat qilsang, davlat buning evaziga nimadir talab qiladi, degan fikrda yuradi. O‘zbekiston prezidentining energetika sohasida chiqarilayotgan har bir qarorida aholining muqobil energiya haqida keng ma’lumotga ega bo‘lishi lozimligi ko‘rsatilmoqda.

Solnechnaya batareya - Sputnik O‘zbekiston
Muqobil energiyadan foydalanuvchilar mol-mulk va yer solig‘idan ozod etilishi mumkin

Muqobil energiyadan foydalanuvchi iste’molchilar davlatga hech qanday haq to‘lamaydi. Hozirda muqobil energiya to‘g‘risidagi qonun ishlab chiqilmoqda.

Yevropa davlatlarida muqobil energiyadan foydalanuvchilar o‘z ehtiyojidan ortiq energiyani davlatga sotadilar. Aholi elektr energiyasi ishlab chiqargani uchun davlatdan haq oladi ", dedi u.

Eslatib o‘tamiz, O‘zbekiston prezidentining shu yil 8-noyabrdagi "Energiya resurslaridan oqilona foydalanishni ta’minlash chora-tadbirlari to‘g‘risida"gi qarori bilan "Energiya tejash milliy kompaniyasi" tashkil etildi.

Hujjatga muvofiq, davlat organlari va tashkilotlari 2022-yil 1-yanvardan markazlashtirilgan issiq suv ta’minotidan uzib qo‘yiladi. Ular quyosh suv isitgich qurilmalari va mahalliylashtiriladigan mahsulotlar asosida O‘zbekistonda ishlab chiqarilgan energiya tejamkor lampalarni o‘rnatish bosqichlarini belgilash to‘g‘risida topshiriq berildi.

O‘zbekistonda quyosh bir yilda 300 kundan ortiq nur sochadi va olingan quyosh energiyasidan samarali foydalanish mumkin.

Yangiliklar lentasi
0