TOShKENT, 20 dek — Sputnik. O‘zbekiston terma jamoasi Kaliningradda Rossiyada xizmat ko‘rsatgan murabbiy V.A.Rubov xotirasiga bag‘ishlangan “Yantarnie perchatki” XXI Xalqaro boks turnirida ishtirok etdi, deb xabar qilmoqda O‘zbekiston Boks federatsiyasi matbuot xizmati.
Turnirda O‘zbekiston, Irlandiya, Belorussiya, Rossiya, Litva, Latviya va Rossiyadan 1999-2002 yillardan tug‘ilgan 77 nafar o‘smir va yunior sportchilar ishtirok etdi.
"Yantarnie perchatki" XXI Xalqaro boks turniri natijalariga ko‘ra, Raymjon Azimov (46 kg), Timurbek Dexkonov (48 kg), Asaxudja Muydinxujayev (52 kg), Xayrullo Alimatov (54 kg), Javlonbek Yuldashev (57 kg), Jaxongir Yuldashev (60 kg), Javoxir Togaymuradov (80 kg)lar turnir g‘oliblari bo‘lishdi.
Navo Tamazov (66 kg) kumush medal sohibi, Urunbayev Asadbek (60 kg) bronza medal sohibi bo‘lishdi.
Umumjamoa hisobida, O‘zbekiston terma jamoasi 7 oltin, bir kumush va bir bronza medal bilan – birinchi o‘rinni egalladi.
