TOShKENT, 4-may — Sputnik. Professional boks bo‘yicha o‘ta og‘ir vazn toifasida sobiq jahon chempioni Ruslan Chagayev O‘zbekistonga keldi. Bu haqda Instagramdagi MMA_Uzbekistan sahifasi bokschining O‘zbekistonda olingan suratini joylashtirgan.
"Ruslan Chagayev O‘zbekistonga keldi", deyiladi suratga izohda.
Ayrim xabarlarga qaraganda, u o‘zi tug‘ilib-o‘sgan Andijon shahrida bo‘lib turibdi.
Ruslan Chagayev 1978-yilda Andijonda tug‘ilgan bo‘lib, havaskor bokschilar o‘rtasida ikki marta jahon chempioni, Osiyo chempioni hisoblanadi.
U shuningdek, professional boksda ham faoliyat olib borgan bo‘lib, afsonaviy bokschi Nikolay Valuyevni mag‘lubiyatga uchratib, WBA yo‘nalishida jahon chempioni bo‘lgan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
