TOShKENT, 19-iyul — Sputnik. O‘zbekistonlik bokschi Sherzodbek Olimjonov 22-iyul kuni Moskvada Qizil maydonda o‘tkaziladigan boks kechasida ringga chiqadi, deb xabar bermoqda "R-Sport" agentligi.
Andijon boks maktabi vakili bo‘lgan Olimjonov WBC yo‘nalishida MDH va Slavan mamlakatlari chempionlik kamari sohibi bo‘lib, uning hisobida 25 g‘alaba bor. Ulardan 15tasida jangni muddatidan oldin yakunlagan.
Olimjonovga qarshi rossiyalik bokschi Rajab Bo‘tayev ringga chiqadi.
"Olimjonov — tajribali, universal jangchi, texnik-taktik jihatdan kuchli", — dedi Bo‘tayevning murabbiyi Eduard Kravsov.
Jang sakkiz raund davom etadi.
Qizil maydonda bo‘lib o‘tadigan boks kechasida shuningdek, Mixail Aloyan, Yegor Mexonsev, Fedor Chudinov va boshqa bokschilar ishtirok etadi.
