O‘zbekistonlik sportchi Londonda jahon rekordini yangiladi

© REUTERS / Henry BrowneAleksandr Svechnikov na chempionate mira po para-atletike v Londone
Aleksandr Svechnikov na chempionate mira po para-atletike v Londone - Sputnik O‘zbekiston
Obuna bo‘lish
Avvalroq Doniyor Soliyev uzunlikka sakrash musobaqasida 7,18 metrga sakrab Osiyo rekordini yangilagan edi

TOShKENT, 20-iyul — Sputnik. O‘zbekistonlik Aleksandr Svechnikov yengil atletikaning nayza uloqtirish yo‘nalishida jahon rekordini o‘rnatdi va oltin medalni qo‘lga kiritdi. Bu haqda Londonda bo‘lib o‘tayotgan para atletika bo‘yicha jahon chempionati saytida ma’lum qilindi. Svechnikov 71,01 metrlik natijani qayd etdi.

Shu yil may oyida Bokuda bo‘lib o‘tgan IV “Islom birdamlik o‘yinlari”da Svechnikov nayzani 70 metrga uloqtirib, jahon rekordini o‘rnatgan edi. U bu safar o‘z rekordini yangilashga muvaffaq bo‘ldi.

Bu bilan jahon chempionatida O‘zbekiston terma jamoasi hisobidagi oltin medallar soni uchtaga yetdi.

Ayollar o‘rtasida kechgan bahslarda esa Nozima Qayumova 41,25 metr natijasi bilan kumush medali sohibasiga aylandi.

© Reuters / Henry BrowneNozima Qayumova
Nozima Kayumova na chempionate mira po para-atletike v Londone - Sputnik O‘zbekiston
Nozima Qayumova

Avvalroq Husniddin Norbekov disk uloqtirishda birinchi o‘rinni egallab, ikkinchi marotaba jahon chempioni unvonini qo‘lga kiritgan edi. Doniyor Soliyev esa uzunlikka sakrash musobaqasida 7,18 metrga sakrab oltin medalga erishdi va ilgari xitoylik Chen Mingyu tomonidan o‘rnatilgan Osiyo rekordini yangiladi.

Yangiliklar lentasi
0