Futbol faxriylari O‘FF prezidentligiga saylov o‘tkazishni ortga surishni so‘rashmoqda

© SputnikBerador Abduraimov - napadayushiy, trener, Master sporta SSSR, Zaslujenniy trener Uzbekskoy SSR
Berador Abduraimov - napadayushiy, trener, Master sporta SSSR, Zaslujenniy trener Uzbekskoy SSR - Sputnik O‘zbekiston
Obuna bo‘lish
O‘zbekiston futbol faxriylari prezident Shavkat Mirziyoyevga murojaat qilishdi

TOShKENT, 8 sen — Sputnik. "O‘zbekistonda sport tashkilotlarini boshqarish va dunyo tajribasi" konferensiyasi ishtirokchilari O‘zbekiston prezidenti Shavkat Mirziyoyev, shuningdek, davlat maslahatchisi Ahmadxo‘ja Yunusxo‘jayev, jismoniy tarbiya va sport qo‘mitasi raisi Rustam Qurbonov, milliy olimpiya qo‘mitasi raisi Alisher Sultonov va O‘zbekiston futbol federatsiyasi a’zolari nomiga rezolyutsiya qabul qilishdi. Bu haqda "Anhor.uz" xabar bermoqda.

Match Uzbekistan - Yujnaya Koreya - Sputnik O‘zbekiston
O‘zbekiston – Koreya 0:0

Rezolyutsiyada aytilishicha, 7-sentabr kuni Toshkentda bo‘lib o‘tgan "O‘zbekistonda sport tashkilotlarini boshqarish va dunyo tajribasi" konferensiyasida mamlakatda sportni boshqaruv, xususan, O‘zbekiston futbol federatsiyasi, professional va bolalar-o‘smirlar futboliga oid masalalar muhokama qilingan.

"O‘zbekistonda futbol muvaffaqiyatli rivojlanishi uchun barcha imkoniyatlar mavjudligiga mutlaqo ishonchimiz komil. Biroq futbolni boshqaruvdagi tizimli muammolar, rivojlanish dasturining mavjud emasligi futbolning og‘ir inqirozga uchrashiga olib keldi va zudlik bilan chora ko‘rilmasa, uzoq yillar davomida jahon maydonlarida ham milliy terma jamoalar, ham klub futboli darajasida raqobat qilish qobiliyatidan mosuvo bo‘linadi", deyiladi rezolyutsiyada.

Inqirozli holatlarni bartaraf etish va O‘zbekistonda futbolni rivojlantirish uchun sharoitlar yaratish maqsadida murojaat qiluvchilar O‘zbekiston prezidenti huzurida jismoniy tarbiya va sportni rivojlantirish bo‘yicha kengash tuzishni, 2018-2023 yillarda O‘zbekistonda futbolni rivojlantirish bo‘yicha davlat maqsadli dasturini ishlab chiqishni taklif etishgan.

Glavniy trener sbornoy Uzbekistana Samvel Babayan - Sputnik O‘zbekiston
Samvel Babayan muxlislarga murojaat yo‘lladi

Rezolyutsiyada bayon etilishicha, O‘zbekiston milliy terma jamoasining jahon chempionati final bosqichiga chiqa olmaganligi O‘FFning asl faoliyati qanday holatda ekanligini ko‘rsatib beradi.

"2017 yil 12-sentabr kuni yangi prezidentni saylash bo‘yicha O‘FF konferensiyasini o‘tkazish rejalashtirilgan. Ammo O‘FF prezidentligiga saylovlar keng futbol jamoatchiligi ishtirokisiz, nomzodlarning saylovoldi dasturlari muhokama qilinmasdan yopiq tarzda o‘tkazilishi o‘zbek futbolidagi islohotlar va uning istiqboli borasida xavotir uyg‘otadi.

Yuzaga kelgan vaziyatda O‘FF prezidentligiga saylovlar o‘tkazish muddatini ortga surish va saylovlarni FIFA saylov reglamenti talablariga muvofiq demokratik asosda o‘tkazish zarur deb hisoblaymiz", deyiladi rezolyutsiyada.

Rezolyutsiyaga O‘zbekistonda xizmat ko‘rsatgan murabbiy Birodar Abduraimov, "Paxtakor" faxriylari Vacheslav Soloxo, Nikolay Lyubarsev, 2007-yili Osiyoning eng yaxshi murabbiyi bo‘lgan Rauf Iniliyev, O‘zbekiston futbol federatsiyasining birinchi prezidenti bo‘lgan Elmar Aminov, futbol faxriylari Andrey Fodorov, Azamat Abduraimov, "Lokomotiv" bosh murabbiyi Andrey Miklyayev va futbolchi Timur Kopadzelar imzo chekishgan.

Yangiliklar lentasi
0