TOShKENT, 5 okt — Sputnik. 1992-yilgi Olimpiadada Birlashgan jamoa tarkibida chempion bo‘lgan o‘zbekistonlik mashhur gimnastikachi Oksana Chusovitina Monrealdagi sport gimnastikasi bo‘yicha jahon chempionati final bosqichiga chiqdi. Bu haqda R-Sport xabar bermoqda. Gimnastikachi musobaqaga jiddiy jarohat bilan kelganligini, lekin bu uning tayanib sakrash bo‘yicha final bosqichiga chiqishiga xalaqit bermaganligini bildirgan.
Gimnastika tarixida yettita Olimpiadada ishtirok etgan yagona sportchi sifatida Ginnesning rekordlar kitobiga kirgan Chusovitina 2017-yilgi jahon chempionati saralash natijalariga ko‘ra 14,349 ball bilan finalga chiqdi.
Chusovitinadan jahon chempionatida qanday natijadan qoniqishini so‘rashganida u shunday javob qaytardi: "Final sakkizligiga kirganimdan qoniqish hosil qildim. Buyog‘iga kurash yana noldan boshlanadi. Hozir chiqishlarimdan o‘zim ham, ko‘psonli omma ham zavq olmoqda. Ularning qo‘llab-quvvatlashi menga qo‘shimcha ku, ishonch va yanada uzoqroqqa borishim uchun xohish beradi".
Oksana Chusovitina 1990-yilda sobiq SSSR terma jamoasida faoliyatini boshlagan. 1992-yili Barselonada o‘tkazilgan Olimpiadada u Birlashgan jamoa (MDH) tarkibida Olimpiada chempioni bo‘lgan.
Chusovitina — uch marta jahon chempioni bo‘lgan hamda 2008-yilgi Olimpiadaning kumush medali sohibasi.
