04:58 19 Yanvar 2018
Efir
Bыvshiy zaщitnik FK Barselona i sbornoy Ispanii Karles Puyol

Oʻzbekistonga “Barselona” va jahon futboli afsonasi tashrif buyuradi

EITAN ABRAMOVICH / AFP
Sport
Havola olish
100501

U Oliy liga 28-tur doirasida boʻlib oʻtadigan “Paxtakor” va “Olmaliq” jamoalari oʻrtasidagi oʻyinni bevosita “Paxtakor” stadionidan turib tomosha qilib borishi rejalashtirilgan

TOSHKENT, 1 noya – Sputnik. Jahon futboli afsonasi, “Barselona” klubining sobiq himoyachisi, Ispaniya terma jamoasi tarkibida Yevropa va Jahon chempioni degan yuksak nomlarga sazovor boʻlgan Karles Puyol 9 noyabr kuni Toshkentga tashrif buyuradi. Bu haqda OʻFF matbuot xizmati xabar bermoqda.

Puyolning Oʻzbekistonga tashrifi shaxsan FIFA prezidenti Janni Infantino tomonidan uyushtirilayotgan boʻlib, bu orqali FIFA prezidenti mamlakatda futbolni yanada rivojlantirish maqsadida federatsiya tomonidan amalga oshirilayotgan katta hajmdagi chora-tadbirlarni qoʻllab-quvvatlash va  futbolning ommaviyligini oshirishga hissa qoʻshishni maqsad qilgan.

Karles Puyol tashrifi davomida respublikadagi futbol akademiyalari va bolalar futbol maktablari bilan yaqindan tanishadi hamda u yerda futbol sir-asrorlarini oʻrganayotgan yosh futbolchilar uchun master-klasslar oʻtkazib beradi.

Shuningdek, u oʻzbek futboli bilan yaqindan tanishish maqsadida Oliy liga 28-tur doirasida boʻlib oʻtadigan “Paxtakor” va “Olmaliq” jamoalari oʻrtasidagi oʻyinni ham bevosita “Paxtakor” stadionidan turib tomosha qilib borishi rejalashtirilgan.

Oʻzbekiston futbol federatsiyasi prezidenti Umid Ahmadjonov shu yilning sentyabr oyida Shveytsariyaning Tsyurix shahrida FIFA prezidenti Janni Infantino bilan uchrashgandi.

Uchrashuv davomida Oʻzbekiston delegatsiyasi futbol targʻibotini kuchaytirish maqsadida FIFAdan dunyo futbolining yorqin afsonalari va buguni kun yulduzlarini Oʻzbekistondagi yosh futbolchilarga master-klass oʻtab berishi uchun taklif qilishda FIFAning amaliy yordam berishini soʻragandi.

FIFA prezidenti Janni Infantino oʻsha uchrashuv davomida Oʻzbekiston futbol federatsiyasi tomonidan mamlakatda futbol rivojini yangi bosqichga olib chiqish borasida amalga oshirilayotgan ishlarni yuqori baholab, Jahon futboli yulduzlarini Oʻzbekistonga yuborishda amaliy yordam berishni vaʼda qilgandi.

Asosiy mavzular