04:47 24 Sentyabr 2017
Efir
Dubayskiy Okeanarium i podvodnыy zoopark

Oʻzbekistonda ilk bor okeanarium va suv osti restorani - "Formula-park" quriladi

© Sputnik/ Yevgeniy Biyatov
Turizm
Havola olish
103530

Turkiyaning Demir Group kompaniyasi tomonidan "Chorsu" mehmonxonasi toʻliq qayta qurilib, uning oʻrniga zamonaviy mehmonxona va biznes markazi quriladi

TOSHKENT, 13 sen — Sputnik. Davlat investitsiya qoʻmitasi, Turizmni rivojlantirish boʻyicha davlat qoʻmitasi, Toshkent shahar hokimiyati va Turkiyaning Demir Group kompaniyasi oʻrtasida turizm sohasida investitsiyaviy hamkorlikni rivojlantirish boʻyicha memorandum imzolandi. Hujjatga koʻra "Chorsu" mehmonxonasi toʻliq qayta qurilib, uning oʻrniga zamonaviy mehmonxona va biznes markazi quriladi.

Demir Group 33 mln dollarlik investitsiya va ijtimoiy majburiyatlar hamda oʻz hisobidan ajratilgan va jalb qilingan sarmoya, tijorat banklarining mablagʻi evaziga "Chorsu" mehmonxonasini nol qiymatida xarid qiladi, deb yozadi nuz.uz "Kommersant.uz"ga asoslanib.

Maxsus turistik zona "Eski shahar" nomini olib, oʻz ichiga mehmonxona, savdo markazi, hunarmandlik ustaxonalari va doʻkonlarga ega turistik hudud va sogʻlomlashtirish komplekslaridan iborat boʻladi.

Loyihani amalga oshirish uchun xalqaro miqyosdagi mehmonxonalar tarmogʻi va brendiga ega hamkor jalb etiladi. Rejaga koʻra 270 ta xonaga ega toʻrt yulduzli mehmonxona, doʻkonlar, spa hamda bino atrofida obodonlashtirilgan, zarur infratuzilmaga ega hudud yaratiladi.

Shuningdek, majmuaga Oʻzbekistonda ilk bor okeanarium va uning ichida suv osti restorani — "Formula-park" quriladi. Majmua hududida sogʻlom turmush tarzini targʻib qiluvchi "KoVork-markazi", amfiteatr, 7D hajmdagi kinoteatr, basseyn, fud-kort ham quriladi. Loyihaning amalga oshirilishi natijasida 350ta yangi ish oʻrinlari yaratiladi.

Ayni vaqtda mehmonxona hududi 1,9 gani tashkil qiladi, kengaytirish jarayonida maydon 4,9 gektarga yetishi kutilmoqda.

Xabarda aytilishicha, loyihani amalga oshirish uchun Demir Group tomonidan InterTourism QK MCHJ korxonasi tashkil etiladi.

Yangi korxona 2019 yilning 31 dekabrigacha uskunalar, material, qurilish buyumlari va jihozlar, mebel va inventar uchun bojxona toʻlovlari (rasmiylashtirish toʻlovlaridan tashqari)dan ozod etilgan.

Shuningdek, InterTourism turzona ishga tushirilgandan soʻng 7 yil muddatga daromad, mol-mulk, yer, obodonlashtirish va ijtimoiy infratuzilma, shuningdek Vazirlar Mahkamasi qoshidagi Respublika yer jamgʻarmasiga majburiy toʻlov hamda soliqlardan ozod etiladi.

"Eski shahar" hududida yaratiladigan tadbirkorlik obʼyektlari, doʻkon va boshqalar 3 yilga daromad, obodonlashtirish va ijtimoiy infratuzilma, mikrofirma va kichik korxonalar uchun yagona soliqdan ozod etiladi.

"Chorsu" mehmonxonasining tiklanishi koʻrsatmasi Shavkat Mirziyoyevning tashabbusi bilan, uning Shayxontohur tumaniga amalga oshirilgan tashrifi davomida berildi.

Toshkentdagi "Chorsu" mehmonxonasi koʻp yillardan buyon boʻsh turibdi. Ayni vaqtda bino Toshkent hokimiyati binolaridan foydalanish departamenti tasarrufida.

Asosiy mavzular