"ID" "Rossiyaning otib o‘ldiriladigan diplomatlari ro‘yxati"ni e’lon qildi

© AP Photo / Emrah GurelTurkiya politsiyasi
Turkiya politsiyasi - Sputnik O‘zbekiston
Obuna bo‘lish
Rossiya Federatsiya kengashi vitse-spikeri xorijdagi diplomatik vakolatxonalar xavfsizligini kuchaytirishga chaqirmoqda

TOShKENT, 27 dek — Sputnik. So‘nggi xabarlarga ko‘ra, "Islom davlati" terrorchilik uyushmasi Rossiyaning xorijda joylashgan diplomatik vakolatxonalariga hujum uyushtirishga tayyorgarlik ko‘rmoqda. Shu bois, Rossiya Federatsiya Kengashi vitse-spikeri Ilyas Umaxanov xorijdagi vakolatxonalar xavfsizligini kuchaytirishga chaqirdi, deb xabar qilmoqda RIA Novosti.

Andrey Karlov - Sputnik O‘zbekiston
Qirg‘iziston elchisi: Karlovni mendan uch qadam narida otishdi
"Ayni vaqtda "ID" va boshqa terrorchilik uyushmalari "otuvga hukm qilingan diplomatlar ro‘yxatini" tayyorlashayotgani haqida xabarlar tarqalmoqda. Bunday tajriba o‘z vaqtida Kavkazda boshimizdan o‘tgan. Balki bu xabar haqiqatdan yiroqdir, ammo men xalqaro va mudofaa qo‘mitalariga bizning diplomatik vakolatxonalarimiz, vakolatxonalar xodimlari va ularning oila-a’zolari xavfsizligini kuchaytirish bo‘yicha protokol topshirig‘ini berishni taklif qilaman", — deb aytgan Umaxanov Rossiya Federatsiyasi kengashi majlisida.

Eslatib o‘tamiz, Rossiyaning Turkiyadagi elchisi Andrey Karlov 19-dekabr kuni Anqarada fotoko‘rgazma ochilishi tadbirida otib o‘ldirilgan edi. Turkiya hukumati hujum politsiya xodimi Mevlyut Mert Altintash tomonidan amlaga oshirilgani va voqea joyining o‘zida mahalliy kuch ishlatish xodimlari tomonidan yo‘q qilingani haqida xabar qilgan.

Rossiya Tergov qo‘mitasi ushbu yuzadan "xalqaro terrorchilik akti" moddasi bo‘yicha jinoiy ish qo‘zg‘adi.

Yangiliklar lentasi
0