TOShKENT, 25 mar — Sputnik. Rossiya boshqa davlatlarning ichki ishlariga aralashmaydi, shu jumladan saylovoldi jarayonlarga ham, deb bayonot qilgan Rossiya TIV rahbari Sergey Lavrov. RIA Novosti xabari asosida.
"Biz boshqa davlatlarning ichki ishlariga aralashmaymiz, shu jumladan saylovlarga tayyorgarlik va ularni o‘tkazish jarayonlariga ham. Ommaviy axborot vositalarida bizning saylov jarayonlariga, xususan, Fransiya va Germaniyadagi jarayonlarga ta’sir o‘tkazganimiz haqida to‘qib yozilgan maqolalarni o‘qish men uchun hayratlanarli. Ular mutlaqo uydirmadan iborat, ahmoqona xabarlardir", — degan Rossiya vaziri Bosh shtab akademiyasida qilgan chiqishi davomida.
