TOShKENT, 14 apr — Sputnik. Kuni kecha Amerika Qo‘shma Shtatlari Afg‘onistondagi "Islom davlati" terrorchilariga qarshi "bombalarning onasi" deya atalmish, og‘irligi salkam 10 tonnalik eng kuchli GBU-43 yadrosiz bombasini qo‘lladi.
National Interest nashri ayni vaqtda Rossiyada "bombalar onasi"dan ko‘ra kuchliroq yadrosiz qurol borligini ta’kidlamoqda.
U aviatsion vakuumli bomba bo‘lib, "bombalarning otasi" sifatida mashhur. U AQShning eng kuchli yadrosiz, "bombalarning onasi" deb atalmish GBU-43 ni ortda qoldiradi, deb yozgan nashr.
Nashrning yozishicha Rossiya ega "ota"ning marrani yo‘q qilish kuchi amerika "onasi"dan ikki barobar ortiq.
Ushbu bomba birinchi marta Rossiyada 2007-yilda sinovdan o‘tkazilgan. Qurol portlatilganda portlovchi zarralar alanga olib, bo‘shliqni to‘ldiradi va o‘z yo‘lidagi barcha obyektlarni yo‘q qilib tashlaydi, ammo radioaktiv zaharlanish sodir bo‘lmaydi, deb eslatgan nashr.
