AQSh KXDRga qarshi chora ko‘rish bahonasida Rossiya portlari ustidan nazorat o‘rnatmoqchi

© AP Photo / J. Scott ApplewhiteAmerika bayrog‘i, Vashington
Amerika bayrog‘i, Vashington - Sputnik O‘zbekiston
Obuna bo‘lish
AQSh tomonidan ko‘rilayotgan keskin choralarga qaramay, Shimoliy Koreya yetakchisi Amerika bilan kelishuvga borish niyati yo‘qligini namoyish qilmoqda. Juma kuni u Sariq dengizidagi katta bo‘lmagan orolchalarda joylashtirilgan Koreya Xalq Armiyasining artilleriya bo‘linmalarini borib ko‘rdi va o‘z qo‘shinlariga jangovar tayyor holatda turishni buyurdi

TOShKENT, 5-may — Sputnik. Amerika kongressi tomonidan Shimoliy Koreyaga nisbatan yangi cheklovlar kiritilishi loyihasi ma’qullandi. Ushbu huja AQShga Uzoq Sharqdagi Rossiya portlari ustidan nazorat o‘rnatish huquqini berishi mumkin.

KXDR yetakchisi Kim Chen In - Sputnik O‘zbekiston
Kim Chen In o‘z qo‘shinlariga "yov umurtqasini sindirishga" tayyor turishni buyurdi
Yangi qonun — KXDRga qarshi sanksiyalar to‘g‘risidagi qonunga o‘zgartishlar kiritishni nazarda tutadi. Hujjatda qayd etilishicha, AQSh prezidentining "BMT Xavfsizlik kengashi tomonidan e’lon qilingan rezolyutsiyalarni buzadigan shaxslarga nisbatan" sanksiya kiritish vakolatlari yanada kengaytirilgan, deb xabar qiladi RIA Novosti.

O‘zgartishlar kiritish to‘g‘risidagi qonun kongressning aksariyat a’zolari — 419 kishi tomonidan ma’qullangan. Faqat bir nafar parlamentariy qarshi ovoz bergan.

AQSh Kongressi KXDR bilan har qanday moliyaviy operatsiyalarga ta’qiqni tasdiqlagan. Bundan tashqari, endilikda Amerika kompaniyalari agar hukumat bu Pxenyan manfaatlariga xizmat qiladi degan qarorga kelsa, Shimoliy Koreya fuqarolarini ishga qabul qila olmaydi.

Kongressmenlar faqatgina amerika kompaniyalari harakatlari haqida emas, KXDRning boshqa mamlakatlar bilan hamkorligi haqida ham qayg‘urishgan.

Hujjatda BMT XK rezolyutsiyalarini buzadigan chet el portlarining "alohida nazorati" to‘g‘risida bo‘lim mavjud.

Kiritilgan tuzatishlarga muvofiq, AQSh prezidenti qonun kuchga kirishidan so‘ng 180 kun o‘tib, va qonun kuchga kirgach besh yil davomida qoidalarni buzadigan port va aeroportlar haqida kongressga hisobot topshirib turishi lozim.

Shimoliy Koreyadagi harbiy parad - Sputnik O‘zbekiston
Tramp Shimoliy Koreya bilan "katta mojaro" bo‘lishi ehtimoli haqida gapirdi
"Har bir hisobotda… quyidagi port va aeroportlar haqida aniq xulosalarni o‘z ichiga olishi lozim:…Rossiya Federatsiyasidagi Naxodka, Vanino va Vladivostok portlari", — deyilgan qonunloyihasi matnida.

Kongressmenlar ushbu ro‘yxatga Xitoy, Eron, Suriya (Tartus va Latakiya) portlarni ham kiritganlar.

Endilikda ushbu qonun senat tasdig‘idan o‘tishi lozim, shundan so‘ng hujjat Donald Trampga imzolanish uchun topshiriladi.

BMT Xavfsizlik kengashi 2006-yildan buyon Pxenyanni yadro va raketalar ishlab chiqarishdan voz kechdirish uchun oltita rezolyutsiyalarni qabul qildi. Shulardan oxirgi ikkitasi — 2270 va 2321 raqamdagilari — 2016-yilda qabul qilingan bo‘lib, Shimoliy Koreyaga nisbatan kiritilgan cheklovlarni yanada kuchaytirdi.

O‘shanda BMT Xavsizlik kengashi savdo, tabiiy qazilmalar eksporti, qurol sotib olish va bank sektorlari sohasida ta’qiqlarni kiritgan edi.

Yangiliklar lentasi
0