Obama Kongress a’zolarini Obamacare dasturini bekor qilmaslikka chorlayapti

© Sputnik / Sergey Guneyev / Mediabankka o‘tishBarak Obama
Barak Obama - Sputnik O‘zbekiston
Obuna bo‘lish
AQShning sobiq prezidenti Barak Obama Kongress a’zolarini Obamacare dasturini bekor qilmaslikka chorladi

TOShKENT, 8-may — Sputnik. AQSh sobiq prezidenti Barak Obama Kongress a’zolarini 2010-yilda amaliyotga joriy etilgan "Obamacare" dasturini bekor qilmaslikka chorlayapti, deb xabar qildi RIA Novosti.

AQSh prezidentligiga nomzod Donald Tramp - Sputnik O‘zbekiston
Trampning 10 ta saylovoldi va’dasi
"Kongressning hozirgi a’zolari aslida kuchli va nufuzli bo‘lgan odamlarga yordam berish uchun ko‘pam jasorat talab etilmasligini tan oladilar, deb umid qilaman. Lekin zaif, kasal va kuchsizlarning huquqlarini himoya qilish uchun juda katta jasorat talab qilinadi", — deb ta’kidladi Boston shahrida so‘zga chiqqan Obama.

"Men umid qilamanki, millionlab odamlar umid qiladilarki, siyosiy partiyaga a’zoligidan qat’iy nazar, bunday jasoratni amalga oshirishning hali-hanuz imkoni bor", — deb qo‘shimcha qilgan sobiq AQSh prezidenti.

Eslatib o‘tamiz, o‘tgan haftada kongress palatasi a’zolari "Obamacare" sog‘liqni saqlash dasturi o‘rniga yangi qonunni qabul qilish bo‘yicha ovoz bergan edilar. Endi ushbu yangi qonun loyihasi senat tomonidan ko‘rib chiqiladi. Obamacare dasturiga qarshi bo‘lgan "Respublikaliklar" partiyasi a’zolari, kongressda ko‘pchilikni tashkil etadi. Lekin ayrim senatorlar yangi qonun loyihasi talablariga qarshi chiqishgan.

AQSh prezidenti Barak Obama - Sputnik O‘zbekiston
Obama Amerika qonunlaridan "negr" so‘zini olib tashladi
AQSh prezidenti Tramp va spiker Rayan tomonidan yangi qonun loyihasi qo‘llab-quvvatlangan. Qonun loyihasida sog‘liqni saqlash bozorida raqobatni oshirish va sohada narx-navolarni kamaytirish ko‘zda tutilgan. Respublikaliklar partiyasi a’zolarining fikriga ko‘ra, Obamacare dasturi fuqarolar tomonidan sug‘urtalarni xarid qilish, kam ta’minlanganlar uchun esa subsidiyalar berishni ko‘zda tutgan edi.

Lekin amaliyotda bu maqsadlarga to‘liq erishilmagan. Ayrim demokratlar fikrlariga ko‘ra, yangi dasturda faqat boylar uchun soliqlar kamaytirilishi ko‘zda tutilgan bo‘lib, bu o‘z navbatida sog‘liqni saqlash sohasida ish o‘rinlarini qisqarishiga hamda kam ta’minlangan aholiga tibbiy xizmatning kamayishiga olib keladi.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0