TOShKENT, 24-iyul — Sputnik. Qirg‘iziston prezidenti Almazbek Atambayev o‘zidan oldin prezident bo‘lgan Askar Akayevni hech qachon kechirmasligini aytdi, deb xabar berdi Sputnik Qirg‘iziston.
Atambayev bu gapni Cho‘lpon-Otada o‘tkazilayotgan matbuot-anjumani vaqtida aytgan.
"Janish Bakiyevga keladigan bo‘lsak, aytishim mumkin-ki, bizda uni ushlab, jazosini beradigan MOSSAD darajasidagi razvedka xizmati yo‘qligi taassuflidir. U 7-aprelga qadar va undan keyin ham qanchadan-qancha odamlarni o‘ldirdi, yuz millionlab mablag‘larni o‘g‘irladi! Akayev haqida ham gap ochiladigan bo‘lsa, keling uni kechiraylik deyishadi. Biz ming tonna oltinga va "Qumtorda" 67 % ulushga ega edik. Bu ulush 16%gacha kamayib ketdi. Men Akayevni hech qachon kechirmayman: ming tonna oltinni yeb-to‘ymas oilasi uchun begonalarga qo‘sh-qo‘llab topshirdi", — deb ta’kidlagan anjuman vaqtida Atambayev.
Qirg‘iziston prezidenti "mamlakat va xalq mulkini talon-taroj qilgan odamlar kechirimga loyiq emas", deb qo‘shimcha qilgan.
