TOShKENT, 11 sen — Sputnik. Qozog‘iston milliy xavfsizlik qo‘mitasi sobiq rahbari Nartay Dutbayev davlat sirlarini oshkor etish bo‘yicha sud tomonidan aybdor deb topildi, deb xabar qildi Sputnik Qozog‘iston.
Sud jarayoni Akmola harbiy garnizon sudida yopiq tarzda o‘tdi. Sud hukmi 24-avgustda chiqarilgan va 11-sentabr kuni ma’lum qilindi.
Sud hukmiga asosan Dutbayev davlat sirlarini oshkor etishda va xizmat vakolatlari suiste’mol qilishda aybdor deb topildi. Unga 7-yilu 6 oy ozodlikdan mahrum etish va umrbod davlat xizmatiga ishga kirish huquqidan mahrum etish jazosi qo‘llanildi. Shuningdek, Dutbayevni "general leytenant" va davlat mukofotlaridan mahrum etish bo‘yicha taqdimnoma kiritildi.
Dutbayev bilan birga yana 3 ta shaxs sudlandi. Ular ham ozodlikdan mahrum etish jazolari qo‘llanildi.
Eslatib o‘tamiz, Nartay Dutbav 2001-2006 yillarda Qozog‘iston milliy xavfsizlik qo‘mitasiga rahbarlik qilgan. Siyosatchi Altinbek Sarsenbayevni o‘g‘irlab ketilishi holatiga maxsus xizmat xodimlari aloqadorligi ia’lum bo‘lgandan so‘ng Dutbayev is’tefoga chiqqan edi.
