TOShKENT, 13 okt — Sputnik. Prezident Almazbek Atambayev, Botkent tumanidagi kuch tuzilmalari xodimlariga yangi turar-joylar kalitlarini topshirar ekan, Qozog‘iston bilan chegarada yuz berayotgan hodisalarga izoh berdi, deb xabar qildi Sputnik Qirg‘iziston shari.
"Men qirg‘iz-qozoq chegarasidagi, YeII bitimlari va normalari buzilayotgan hadsizlikni uch kundan buyon kuzatib kelyapman", — deb bayonot qilgan Atambayev.
Shundan so‘ng u qirg‘iz xalqi sal kam uch ming yillik tarixga egaligini eslatib o‘tgan.
"Uch ming yillik tarixga ega xalq, meni o‘ylashimcha, uch kunlik qamaldan hech qachon qo‘rqmaydi. Bizning xalqimiz uchun or-nomus hayotdan azizroq. Biz har neni ko‘rdik, 2010-yilda bir yarim oylik qamal ham bo‘lgan. Biz insonlar qanday qiyinchiliklarni boshdan kechirganlariga guvoh bo‘lganmiz va bugungi kundagi qonunsizlikni ham yengib o‘tamiz, o‘z mustaqilligimizni himoya qilamiz", — degan Atambayev.
Qirg‘iziston prezidenti qo‘shni davlatlar tinch va totuv hayot kechirishlari kerak, deya qayd etgan.
"Agar sen qo‘shningni uyiga o‘t qo‘ymoqchi bo‘lsang, yodingda tutki, shamol boshqa tomonga esishni boshlashi va o‘z uying kulga aylanishi mumkin. Qozog‘istonda qattiq ocharchilik bo‘lganida, yuz minglab qozoqlar oxirgi bo‘lak noni bilan teng bo‘lishgan bizni xalqimiz tufayli omon qolishgan edi", — eslatib o‘tdi prezident.
"Xon, sulton va prezidentlar ikki birodar xalqni hech qachon urushtira olmaydi. Qirg‘izlar hech qachon kimningdir oldida tiz cho‘kmaydi", — deya ta’kidladi.
O‘z nutqi so‘ngida, Atambayev Qirg‘iziston armiyasi salohiyati haqidag gapirgan va zarba berishga qodirligini eslatib o‘tib, ayni vaqtda qurolli emas, balki moliyaviy va axborot urushlari olib borilayotganini ta’kidlagan. Mustaqillikni nafaqat armiya, balki donishmandlikka amal qilgan holatda saqlab qolish kerak, degan Atambayev.
