Dunyoda

Dunyo boʻylab 8 yilda: Qirgʻiziston fuqarosi dunyo boʻylab piyoda safarga otlandi

© Surʼat Azamat Janaliyev tomonidan taqdim etildiAzamat Janaliyev
Azamat Janaliyev - Sputnik Oʻzbekiston
Obuna boʻlish
NovostiTelegram
Qirgʻizistonlik Azamat Janaliyev oʻz orzusini amalga oshirish va dunyoni piyoda aylanib chiqishga qaror qildi. Izlanuvchining asosiy maqsadi Shvetsiya, Yangi Zellandiya va Yaponiya.

Sayohatchi Azamat Janaliyev hayotining 6 yildan 8 yilgacha vaqtini oladigan ushbu piyoda sayohatga qanday tayyorgarlik koʻrayotganligini Sputnik Qirgʻizistonga aytib berdi.

— Azamat, dunyoni bunday aylanish gʻoyasi sizda qanday paydo boʻldi?

— Men oʻzim asli Baliqchidanman. Sayohat haqida esa, birinchi marta Semenov-Tyan-Shanskiy haqida eshitganimda oʻyladim. Dunyo tarixi va bizning tarixda iz qoldirgan ajoyib odam. Lekin keyinchalik ushbu rejalar unutildi. Men oʻsib, arxitektor boʻldim. Kundan kun oʻtib oʻzimga savol berdim: «Men odamlarni esida qolish uchun nima qildim? Nahotki hayotim uy bilan ishda oʻtib ketadi? Men nabiralarimga nimani aytib beraman?». Shunda orzularni haqiqatga aylantirish vaqti kelganini tushundim. 

— Qachon sayohatga tayyorgarlik koʻrishni boshladingiz?

— Mening sayohatim uch qismga boʻlingan: Qirgʻiziston atrofii boʻylab, Baxreyn oroliga safar va dunyo safari, agar shunday deyish mumkin boʻlsa. Men allaqachon oʻz mamlakatim atrofini aylanib chiqdim va bu menga uzoq safarga tayyorgarlik  kurishimda juda qoʻl keldi.  Men velosipedda harakatlandim va mamlakatning har burchagida ajoyib odamlar bilan tanishdim, tabiatimizning naqadar goʻzalligiga amin boʻldim. Har bir Qirgʻizistonlikka shunday sayohat qilishni maslahat beraman. Hozir men ikki haftalik Baxreyn safariga qattiq tayyorgarlik koʻrayapman. Bu menga oʻzimni turli sharoitlarda, eng issiq va eng sovuq muhitlarda sinab koʻrish imkonini beradi.

— Keyinchi, asosiy qism qachon boshlanadi? 

— Eng qiziqarli va eng qiyini hali oldinda. Sayohatga aqliy, jismoniy va moddiy tayyorgarlik koʻrish kerak. Agar birinchi bosqichda oson boʻlsa, oxirgi bosqichda qiyin boʻladi. Mustaqil sayohat qilish uchun menda koʻp narsa yoʻq, homiylar kerak, lekin hali ular ham topilganicha yoʻq.  Boshqa mamlakatlarda menga oʻxshagan qiziquvchilarga homiylik qiladigan firmalar koʻp. Qirgʻizistonda bu masalani hal qilish qiyin. Men shu masala yuzasidan siyosiy partiyalarga murojat qildim, lekin hozircha javob yoʻq. Bundan tashqari Qirgʻizistonda meni yutuqlarimni reklama qiladigan komanda kerak. Lekin bu ish uchun ham toʻlash kerak boʻladi.

— Siz qanday maqsadni koʻzlayapsiz dunyo boʻylab safaringizdan?

— Bu juda oson — dunyoni Qirgʻiziston bilan tanishtirish. Bizda elchixonlar judayam kam, boshqa mamlakatlar va qitʼalar bilan aloqa oʻrnatish, balki menga nasib qilar. Men albatta mamlakatimiz ramzi boʻlgan oq qalpoqni kiyib yuraman! Men oʻrgangan Qirgʻiziston tarixida oʻz izini qoldirgan sayohatchi yoʻq. Magellan, Kolumb…ular dengizda yoʻnalishlar ochdi. Men tarixda oʻz izimni oyoqlarim bilan qoldirmoqchiman. Yana bir narsa, menda ham bundan bir umrga yetadigan taasurot qoladi. 

— Qaysi mamlakatda koʻproq boʻlishni xoxlaysiz?

— Ular shunchalik koʻpki!!! Lekin menga eng qiziqlari Shvetsiya, Yaponiya va Yangi Zellandiya. Men hatto bilmayman nima uchun ular meni oʻziga tortayapti, vaholanki, ular butunlay bir biriga oʻxshamaydi.  

— Oilangiz bunday muhim qadamga qanday munosabat bildirdi?

— Turmush oʻrtogʻim hali yoʻq, otam va oʻrtoqlarim qoʻllab quvvatlashayapti. Seni orzularing ushalishi uchun shuncha insonlarni qoʻllab quvvatlashini his qilish bu ajoyib, tushuntirib boʻlmaydigan tuygʻu. Ularga chin dildan baxt tilab qolaman.

— Hammasini tashlash fikri tugʻilmaganmi?

— Hech qachon, mamlakat boʻylab sayohat, menga toʻgʻri qadam tashlayotganimni tushintirdi. Meni hamma qoʻllab quvvatladi. Bu ajoib oʻtgan vaqt menga shuni tushinib yetishimga yordam berdiki, kishi oʻz orzusiga yetishishi uchun nimaiki boʻlsa qilishi kerak, va shunda u eng yaxshi mukofotni oladi. 

— Keyingi orzu qanday boʻladi? 

— Eng shirin — men uyga qaytaman.

Yangiliklar lentasi
0