Dunyoda

Afgʻoniston shimolidagi Qunduz shahrini "Tolibon" egallab oldi

© Sputnik / Stringer  / Fotobankka oʻtishQunduz koʻchalaridan biri
Qunduz koʻchalaridan biri - Sputnik Oʻzbekiston
Obuna boʻlish
Yandex newsTelegram
OAV xabariga koʻra Afgʻoniston hukumati qoʻshinlari, tinch aholi orasida qurbonlar boʻlmasligi uchun, Qunduzdan chiqib ketishdi.

TOSHKENT, 29 sen — Sputnik. Afgʻoniston shimolidagi Qunduz shahri "Tolibon" jangarilari qoʻliga oʻtdi, RIA Novosti Assoshieyted Press xabari asosida.

Afgʻoniston IIV vakili Sedik Sedikki xabariga koʻra, hukumat harbiylari tinch aholi orasida qurbonlar boʻlmasligi uchun, Qunduzni tashlab chiqib ketdi.

Eslatib oʻtamiz, Qunduz shahri Afgʻonistonning shimolida, Tojikiston bilan chegaradosh boʻlgan Qunduz viloyatining poytaxtidir. Harbiy va taktik jihatdan Qunduz juda muhim, u yerda harbiy aeroport joylashgan.

"Tolibon" hujumi dushanba kuni ertalab boshlangan. Yuzlab jangarilar bir necha guruhlarga boʻlinib shaharga kirib kelishgan. Jangarilar avval shahar qamoqxonasini egallab olib u yerdagi jinoyatchilarni ozod qilgan. Undan tashqari jangarilar maʼmuriy binolarini, BMT idorasini, shifoxona va boshqa davlat idoralarini egallab olishgan. Guvohlarning aytishicha ular bir necha xususiy banklarni ham egallab olishgan va shahar radiostantsiyasini yoqib yuborishgan.

Hujum natijasida qurbon boʻlganlar soni aniq emas, dastlabki xabarlarga qaraganda hujum natijasida 20 dan ortiq kishi qurbon boʻldi va 100ga yaqin jarohatlandi.

“Tolibon” jangarilari shu yilning Aprel oyining oxiridan boshlab faollik koʻrsata boshladi. Oʻshanda ular Qunduz shahrini oʻrab olishgandi. Hukumat xabariga qaraganda, “Tolibon” bilan yonma-yon  “Islom davlati” tarafdorlari ham jang qilmoqda.  

Afgʻonistonda NATOning xalqaro missiyasi (ISAF) tugagandan keyingi davr ichida bu birinchi yirik hujum.

 

Yangiliklar lentasi
0