Van Gog jonlangan tasvirlar ko‘rgazmasi

Moskvada "Van Gog: 125-yillik ilhom" multimedia ko‘rgazmasi ochildi. Ushbu ko‘rgazma Moskvaning Artplay dizayn markazida ish boshladi.

Tomoshabinlar buyuk postimpressionist rassomning eng mashhur asarlarining yuqori sifatli, kattalashtirilgan reproduksiyalarini tomosha qilishadi. Ushbu tasvirlar orasida Yaponiya motivlari, sirli yulduzli tunlar, to‘lib-toshgan Fransiya tabiat manzaralari bor. Umumiy hisobda tomoshabinlar e’tiboriga 2 ming kv.m. maydonda rassomning 400 tasviri namoyish etiladi.

Ko‘rgazmaning ajoyib tomoni shundaki, u tomoshabinga go‘yoki tasvir ichiga kirib ketish imkonini beriladi. Masalan tomoshabin "Arledagi yotoqxona" ichida suratga tushishi yoki “Tungi qahvaxona terrasasida” bir piyola qahva ichishi mumkin.