TOShKENT, 23 okt — Sputnik. O‘zbekistonlik dizayner Zulfiya Sulton Moskvada bo‘lib o‘tgan Mercedes Benz Fashion Week Russia ko‘rigida o‘z liboslarini taqdim etdi.
Yevropaning eng yirik ko‘riklaridan biri bo‘lga Moskvadagi moda haftasida dunyoning yetakchi dizayner va modelerlari 2016-yil bahor-yoz mavsumiga o‘z liboslarini taqdim etishdi.
“Men podiumdan ajoyib o‘zbek matolari tili bilan gapiraman, yorqin va jimjimador ikat naqshlari hamda jozibali ko‘rinishlar! Umid qilamanki, bu chiroyli, mazmunli va esda qoladigan feshn-monolog bo‘ladi, hatto eng tanti ommani ham befarq qoldirmaydi”, — deb o‘rtoqlashshgandi Zulfiya Sulton ko‘rik oldidan o‘zining Facebookdagi sahifasida.
Zulfiyaning liboslarida O‘zbekistonning rang barang ko‘rinishlari va boy madaniy merosi aks ettirilgan. Ushbu betakror liboslar Moskvaning kulrang manzarasida juda ko‘rkam ko‘rinadi.
