TOShKENT, 27 okt — Sputnik. Afg‘onistonda sodir bo‘lan yer qimirlashi qo‘shni Pokiston hududida ham kuchli sezildi. Ko‘plab shahar va qishloqlarda aholining uylari, maktablar va boshqa binolar shikastlandi, RIA Novosti xabari asosida.
Ushbu yer qimirlashidan qurbon bo‘lganlar soni Afg‘onistonda 51 kishini, jarohatlanganlar soni 270 kishini tashkil qildi. Qo‘shni Pokistonda esa qurbonlar soni 150 kishidan oshdi.
Qurbonlar orasida Taxar viloyati maktablardan birida, tiqilinchda qurbon bo‘lgan 12 qiz bola ham bor. Yer silkinishi boshlanganidan keyin, maktab binosidan qochib chiqmoqchi bo‘lganlar soni ko‘p bo‘lgan va kuchli tiqilinch yuz bergan.
Geo TV xabariga ko‘ra, mamlakatning turli burchaklarida qurbonlar soni 156 kishiga yetdi, kasalxonalarda 500dan ortiq jarohatlanganlar bor.
Afg‘onistonda Dushanba kuni soat 14.09da magnitudasi 7,5 ball bo‘lgan yer qimirlashi sodir bo‘ldi. Yer qimirlashi episentri Djurm shahridan 45km janubi-g‘arbida joylashgan edi.