Xorgos - Yevroosiyo Ittifoqining savdo darvozasi

Obuna bo‘lish
Zamonaviy “Ipak yo‘li”dan karvonlar o‘rniga tezurar yuk poyezdlari qatnaydi.

 

Yaqinda Qozog‘iston va Xitoy chegarasida ulkan tranzit majmuasi ochildi. Uning nomi Xorgos — Sharqiy darvoza.

Cho‘l o‘rtasida qurilgan yangigina Altinkol temir yo‘l bekati binosidan olti yo‘nalishda temir yo‘l izlari uzoqlarga cho‘zilib ketgan. Hozirgina Xitoydan kelgan poyezddan maxsus kran konteynerni olib yuk mashinasiga ortdi. Yuk mashinasi bo‘lsa kontenerni qo‘shni yo‘lda turgan poyezdga yetkizdi. Ushbu konteyner Altinkoldan bekatidan chiqib Yevroosiyo hududida yoki undanam uzoqlarda joylashgan mamlakatlarga yo‘l oladi. 

Aynan shu yo‘nalishda qadim zamonlarda Xitoydan yuk ortilgan tuyalr karvoni mag‘rur  qadam tashlab o‘tgan. Zamonaviy Buyuk Ipak yo‘lidan esa tezurar yuk poyezdlari qatnaydi. Altinkolda yangi “Ipak yo‘li”ning ikki xil temir yo‘l tizimi uchrashadi: sharqiy va g‘arbiy. Xitoydan “tor” temir yo‘l izi kelib Qozog‘iston va sobiq Ittifoqning “keng” temir yo‘l izi bilan uchrashadi. 

Altinkol O‘rta Osiyoda eng katta quruqlik porti. Qozog‘iston respublikasining milliy loyhasi bo‘lgan “Xorgos – Sharqiy darvoza” loyhasi cho‘lda 6 ming gektar joy egallagan. Altinkol bekati yonida yaqinda ulkan omborxona paydo bo‘ladi. Uning nomi “Quruq port”, maydoni 18 ming konteynerga moslashgan, yuklarni saralash va jo‘natish uchun terminallari bilan jihozlangan.

Hozirgi kunda Xitoy mahsulotining 98% dengiz orqali tashiladi. Xorgos ushbu ko‘rsatkichni o‘zgartirish imkoniga ega. Chunki quruqlik orqali yuklar 2-3 baravar tezroq yetib boradi.

Qayta tug‘ilayotgan “Ipak yo‘li” haqidagi infografikamizni tomosha qiling.

 

Yangiliklar lentasi
0