Sport

Shimoliy Koreya terma jamoasi treneri: muxlislar bosimini yengib oʻta olsak boʻldi.

© Federatsiya futbola UzbekistanaKXDR futbol milliy terma jamoasi treneri Kim Chang Bok
KXDR futbol milliy terma jamoasi treneri Kim Chang Bok - Sputnik Oʻzbekiston
Shimoliy Koreya jamosi treneri Kim Chang Bokning fikriga koʻra, uning jamoasida gʻalaba uchun imkoniyat bor, durang natija ham ular uchun qoniqarli, asosiysi, muxlislar bosimini yenga olsa boʻldi.

TOSHKENT, 11 noya — Sputnik. Shimoliy Koreyaning futbol boʻyicha terma jamoasi Oʻzbekistonga faqat gʻalaba uchun keldi, dedi matbuot konferentsiyasida Shimoliy Koreya bosh treneri Kim Chang Bok, Oʻzbekiston futbol federatsiyasi xabari asosida.

Trenerning soʻzlariga qaraganda, uning jamoasi maydonda Oʻzbekiston vakillari bilan uchrashishga tayor. “Oldindagi matchga biz juda yaxshi tayorgarlik koʻrdik va Toshkentga gʻalaba qozonish uchun keldik” – dedi KXDR jamoa murabbiyi.

Oʻzbekiston jamoasida sodir boʻlgan oʻzgarishlarga izoh berib Koreyalik trener ularga qarshi yosh futbolchilar maydonga chiqishini taʼkidladi.

“Men 16, 16, 19 nomerlar ostida maydonga chiqadigan futbolchilar haqida gapirayapman. Pxenyandagi oʻyinda Oʻzbekiston jamoasi tarkibida tajribali futbolchilar oʻynagan edi. Oʻshanda asosiy eʼtibor oʻyin texnikasiga qaratilgan edi. Hozir boʻlsa raqib tarkibida bir necha yosh futbolchilarni koʻrayapmiz, ular albatta jamoa oʻyin dinamikasi va tezligini oshiradi”, — dedi u.

Koreyalik murabbiy raqibning kuchli va kuchsiz tomonlari haqida gapirishni istamadi. U faqatgina “oldin jamoa toʻpni maydon markazida ushlab turishga harakat qilardi. Hozir boʻlsa tez va agressiv futbol oʻynashga harakat qilmoqda. Undan tashqari jamoada trener oʻzgardi, bu oʻz navbatida, yangi taktika kiritilishini anglatadi”, — dedi.

Shuningdek, murabbiyi muxlislar omili ham oʻyinga bevosita taʼsir oʻtkazishi mumkin ekanini taʼkidladi. “Yana bir muhim jihat shundan iboratki, ertaga Oʻzbekiston oʻz maydonida oʻynaydi va muxlislar ularni qoʻllab-quvvatlab turadi. Biz muxlislar bosimini yengib oʻta olsak, oʻylaymanki, yaxshi natijaga erisha olamiz”.

Kim Chang Bokning aytishicha, ertangi oʻyinda uning jamoasi gʻalaba uchun oʻynaydi, shunga qaramay, agar oʻyinda durang natija qayd etilsa ham buni qoniqarli natija sifatida qabul qiladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala