Siyosat

Oʻzbekiston TIV: terrorchilikka qarshi kurash butun islom dunyosiga qarshi ziddiyatga aylanib ketmaslik kerak

Oʻzbekiston TIV oʻrinbosari, terrorchilikka qarshi kurashni islom dunyosiga qarshi ziddiyatga aylantirib yubormaslikka chaqirdi. Islom dinini esa oʻzaro hurmat va bagʻrikenglikka asoslangan birlashtiruvchi va muqobillashtiruvchi vosita sifatida ishlatishni taklif qildi.

TOSHKENT, 10 dek — Sputnik. Oʻzbekiston oʻzaro hurmat va bagʻrikenglikni rivojlantirish va xalqaro muammolarni siyosat yordamida hal qilishni tarafdori. TIV oʻrinbosari Dilyor Hakimovning soʻzlariga qaraganda, terrorchilikka qarshi kurashni islom diniga qarshi ziddiyatga aylantirmaslik kerak, deyilgan TIV saytida.  

Ushbu nuqtai nazarni, Oʻzbekiston delegatsiyasi rahbari Belgradda boʻlib oʻtgan YEXHT (OBSE) Tashqi ishlar vazirlar kengashida maʼlum qildi. Hakimovning soʻzlariga qaraganda, dunyoda murakkab geosiyosiy vaziyat yuzaga kelgan, radikal terrorchi guruhlar alohida xavf tugʻdirmoqda, shu jumladan Afgʻoniston hududidagi jangari guruhlar ham.

Oʻzbekiston siyosatchilarining fikriga koʻra Afgʻonistondagi muammolarning yolgʻiz yechimi – tinch va siyosiy muzokaralar oʻtkazish.

“Har qanday keskin qarama-qarshilik va toʻqnashuvlar muammosini, xalqaro huquq qoidalariga soʻzsiz amal qilgan holda, tinch siyosiy muzokaralar yoʻli bilan hal qilish mumkinligiga Oʻzbekiston toʻliq ishonadi”, — dedi diplomat.

Mahalliy va global xavfsizlikni oshirish chorasi sifatida, Oʻzbekiston oʻzaro hurmat, toqatlilik va madaniy  bagʻrikenglik mafkurasini targʻib qilishni taklif qilmoqda. Hakimovning soʻzlariga qaraganda, koʻp yillar davomida islomiy ilimlar markazi boʻlgan Oʻzbekiston, xalqlar va dinlar aro munosobatlarda bagʻrikenglik, odamlar orasidagi munosobatlarda, millat va eʼtiqodidan qatʼiy nazar, oʻzaro hurmat va hamjihatlilik tarafdori.

“Bizning mamlakat, terrorchilikka qarshi kurash, islom dunyosiga qarshi ochiq yoki yashirin ziddiyatga aylanib ketmasligi kerak. Turli madaniyatlar va dinlar orasidagi munosobatlarda bagʻrikenglik va oʻzaro hurmat masalalari, ijtimoiy moslashuv muammosini hal qilish YEXHT  gumanitar ishlar roʻyxatidan ustuvor oʻrin egallashi kerak”, — dedi TIV vakili.

Oʻzbekiston delegatsiyasi rahbari, shu oʻrinda regiondagi ekologiya muammolarida ham toʻxtalib oʻtdi. Xususan u, Orol dengizi muammosi Oʻrta Osiyo mamlakatlarini birlashtiruvchi vosita boʻlishi kerakligini taʼkidladi. Ushbu masalada, Oʻzbekiston Amudaryo va Sirdaryo irmoqlarida yirik toʻgʻon va GESlar qurilishiga qarshi chiqmoqda. Chunki ushbu daryo havzalarida millionlab odamlarning hayotini taʼminlovchi vohalar joylashgan. Hakimovning soʻzlariga qaraganda, regionda suv resurslaridan foydalanish masalalari, barcha mamlakatlar qiziqishini hisobga olgan holda, xalqaro huquq normalariga asosan, hal qilinishi kerak.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala