TOShKENT, 13 dek — Sputnik. Saudiya Arabistoni saylovlari tarixida ilk bor mamlakat xotin-qizlariga saylash va saylanish huquqi berildi. Ana shu islohotdan kelib chiqib, ayol kishi Makka shahri hokimiyatiga saylandi, xabar qiladi RIA NOVOSTI Frans Press ma’lumoti asosida.
Saylovlarda 6 mingga yaqin erkak nomzodlar bilan bir qatorda 900 dan ortiq ayol nomzodlar ishtirok etgan.
Salma bint Xizab al-Otebiy Muqaddas Makka shahri hududiga yaqin Madrak kengashiga saylangan. Bu haqda mamlakat saylov komissiyasi prezidenti Osama al-Bar mahalliy OAV lariga 13 dekabr kuni ma’lum qilgan.
Ma’lumot uchun, Saudiya Arabistoni qiroli Abdulloh ibn Abdul-Aziz (2005-2015) 2011-yilning sentabrida mamlakat xotin-qizlariga saylash va saylanish huquqini bergan. Qirol, shuningdek, xotin-qizlarga Sho‘ro kengashi(Oliy boshqaruv organi) a’zoligiga o‘z nomzodini ko‘rsatishga ruxsat berilishini ta’kidlamoqda.
