Dunyoda

Bashar Asad: “Qanday prezidentligimni Suriya xalqi hal qiladi. Yevropaliklar emas”

© Sputnik / Sergey Guneyev / Fotobankka oʻtishSuriya prezidenti Bashar Asad.
Suriya prezidenti Bashar Asad. - Sputnik Oʻzbekiston
Suriya prezidenti oʻziga hukumat tepasida qolishga “ruxsat bergan” Gʻarb vakillari, dunyodagi ahvol haqida gapirdi.

TOSHKENT, 19 dek — Sputnik. Suriya prezidenti oʻziga hukumat tepasida qolishga “ruxsat bergan” Gʻarb vakillari, dunyodagi ahvol haqida gapirdi, RIA Novosti xabariga koʻra.

Bashar Asad Gʻarb vakillari tomonidan bildirilgan taʼkidlar, jumladan, AQSH Davlat kotibi Jon Kerrining “Suriya rahbari hozircha hukumat tepasida qolishi mumkin” iborasiga hazil-mutoyiba bilan javob qaytardi. Sal oldin Gʻarb mamlakatlari Asadga Suriya rahbarligidan ketish talabini qoʻyishgan edi. “Jomadonlarimni yigʻishtirib, ketishga shay boʻlib turganimda, ular qolishimga ruxsat berishdi. Rahmat ularga. Men ulardan juda  minnatdorman”, dedi Suriya prezidenti hazil ohangida Gollandiyaning NOS teleradiokompaniyasiga bergan intervyusi chogʻida.

Bashar Asad faqatgina Suriya xalqi uning hukumat tepasida qolish-qolmasligini hal qilishga haqli ekanligini alohida taʼkidladi.

"Suriya – suveren davlat. Uning prezidenti yaxshi-yomonligini  faqat Suriya xalqi hal qiladi. Yevropaliklar emas”, izoh berdi Asad.

Va, bordiyu, Suriya xalqi undan prezidentlik lavozimidan ketishini talab qilsa, u bu talabni bajarishini aytdi.

Yaqin Sharq va Yevropada terrorchilik balosi keng tarqalib borayotgani haqida toʻxtalar ekan, Asad bunga Yevropa boshchiligida terrorchilarni qoʻllab-quvvatlayotgan Turkiya, Qatar va Saudiya Arabistoni aybdorligini taʼkidladi. “Suriyani terror ildiz otgan makonga aylanishi mana shu davlatlarning xatosi tufayli roʻy berdi” dedi u. “Yevropaning aksariyat yetakchilari oʻz qadr-qimmatini neft va dollarga alishtirishdi. Bu juda achinarli. Ular bu yoʻl bilan Saudiya Arabistonidagi vahhobiylik uyushmalari oʻz ekstremistik gʻoyalarini Yevropaga olib kirishlariga keng yoʻl ochib berdilar.

Suriya emas, Yevropa terrorchilar eksporti bilan shugʻullanmoqda” qoʻshimcha qildi Asad va yaqinda Parijda uyushtirilgan portlashlar kelib chiqishi aynan yevropalik boʻlgan terrorchilar tomonidan amalga oshirilganini alohida taʼkidladi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala