Madaniyat

"Oʻzbeknavo": Biz artistlarni simfonik orkestrlar bilan “doʻstlashtiramiz”

© Sputnik / Vladimir Astapkovich / Fotobankka oʻtishKlassik ariya ijro etish
Klassik ariya ijro etish - Sputnik Oʻzbekiston
"Oʻzbeknavo" oʻzbek artistlarining ijro darajasini oshirish maqsadida ularni simfonik orkestrlar bilan hamkorlik qilishga undamoqchi.

TOSHKENT, 4 yanv — Sputnik. Yangi yil boshidan buyon estrada artistlarini jonli kuylash uchun ragʻbatlantirish ishlari boshlanadi, deb xabar berishdi “Oʻzbeknavoda” Sputnik muxbiriga.

Mutaxassisning fikriga koʻra, bugungi kunda fonogramma davr talabiga aylanib qolishining sababi —  bu uning qoʻshiq ijro qilish jarayonini arzonlashtirish vositasi boʻlganligidir. Har qanday artist ham estrada-simfonik orkestr bilan birgalikda kuylashga mablagʻi yetmaydi.

 

“Toʻlaqonli birinchi kategoriyali estrada-simfonik orkestri 101 musiqachidan tashkil topgan boʻladi. Qanday ijrochining bunaqa guruh blan birgalikda kuylashga mablagʻi yetadi? Orkestrdagi har bir musiqachiga pul toʻlash kerak boʻladiku. Shuning uchun hofizlar koʻpincha studiyada qoʻshiqsiz musiqa (minusovka) yozdirib olishadi. Lekin, baʼzan “plyus-fonogramma”lar ham uchrab turadi, yaʼni artistlar jonli ovozda kuylamasliq holatlari. Biz hozir ushbu vaziyatdan chiqish choralarini izlayapmiz. Artistlarni jonli kuylashga undash choralarini izlayapmiz”, — dedi “Oʻzbeknavo” vakili.

Mutaxassisning fikriga koʻra, bugungi kunda fonogrammalarni ishlatish boʻyicha respublikada hech qanday rasmiy talab yoʻq. Vaholanki, mustaqillikdan keyin salkam 25 yil oʻtdi, ushbu vaqt ichida artistlarning sahnadagi ijro sifati bilan ham “hisob-kitob” qilish vaqti keldi. Hofizlarning professional kuylash darajasini oshirish kerak. Sifati past qoʻshiqlar bilan estradani toʻldirmasdan, haqiqiy talantlarga yoʻl ochib berish kerak. Oʻzbekistonda, xudoga shukur, shunday ijrochilar yetarli.

“Bizda ajoyib orkestrlar, musiqachilar bor. Hozirgi kunda ular artistlar bilan kam ishlab, koʻproq restoranlarda ijro qilishayotgani tufayli, biz sahnadan “fonogramma”li qoʻshiqlar eshitayapmiz. Jonli musiqa va jonli ijro sanʼatidan uzoqlashib ketmoqdamiz. 

Shuning sababdan ham biz estrada aristlarini mumtoz musiqa estrada-simfonik orkestrlari bian “doʻstlashtirmoqchimi”. Natijada bizning tomoshabin faqat jonli musiqali va jonli ijroli kontsertlarga borish imkoniga ega boʻladi”, — deb oʻz fikrini bildirdi suhbatosh.

Mustaqillik tantanalari. - Sputnik Oʻzbekiston
Jamiyat
Oʻzbek sanʼatkorlariga kontsert oldidan “shov-shuv” koʻtarish taʼqiqlandi

Tomoshabin soxta ijrodan charchaganini tasdqlovchi omil sifatida, “Oʻzbeknavo” vakili shunday misol keltirdi. Yaqinda, dekabrda, Toshkentdagi “Istiqlol” sanʼat saroyida maqom kechasi boʻlib oʻtdi. U yerda faqat jonli musiqa va jonli ovozlarda oʻzbek milliy qoʻshiqlari ijro etildi. Biletlar yaxshi sotilib,  4 ming kishilik zal tomoshabinga toʻla edi. Maqom bu murakkab sanʼat turi, ommaviy emasligiga qaramasdan 2,5 soat davom etgan kontsert vaqtida, hech kim zalni tark etmadi, hamma qiziqib tingladi.  

Shu bilan bir vaqtda, mutaxassis, estradadagi muammolar ham sekin sekin hal qilinishiga vaʼda berdi. Barcha muammolar hal qilinmasada, maʼlum yaxshilanish albatta boʻladi, deb vaʼda berdi “Oʻzbeknavo” vakili.  

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala