Dunyoda

Turkiya Rossiya ustidan xalqaro sudlarga arz qilmoqchi

© Sputnik / Sergey Guneyev / Fotobankka oʻtishTurkiya prezidenti Toyib Erdoʻgʻon.
Turkiya prezidenti Toyib Erdoʻgʻon. - Sputnik Oʻzbekiston

 

TOSHKENT, 4 yanv — Sputnik. Turkiya oʻziga nisbatan joriy qilingan sanktsiyalar tufayli Rossiya ustidan Butunjahon savdo tashkiloti va xalqaro sudlarga arz qilmoqchi. Bu haqda Daily Sabah nashriga Turkiya Iqtisod vaziri Mustafa Elitosh xabar qilgan, RIA Novosti maʼlumoti asosida.

"Biz sanktsiyalar tufayli jabr koʻrganlarning haq-huquqlarini xalqaro sudlar orqali tiklaymiz”, — taʼkidladi Elitosh. Vazirning soʻzlariga qaraganda, Turkiya hozirda barcha kerakli isbot-dalillarni toʻplamoqda.

Nashrda yozilishicha, Rossiya ustidan arz qilmoqchi boʻlayotgan Turkiya davlatining “zahira rejasi” ham mavjud. Mamlakat oʻzi yetishtiradigan mahsulotlarni endilikda Keniya, Nigeriya va boshqa Afrika mamlakatlari bozorlariga yoʻnaltirmoqchi.

Turkiya prezidenti Toyib Erdoʻgʻon. - Sputnik Oʻzbekiston
Dunyoda
Turkiya va Saudiya Arabistoni Rossiyaga qarshi birlashmoqda

Turk qiruvchi samolyoti tomonidan Rossiya Su-24 bombardimonchisining urib tushirilishi ikki davlat oʻrtasidagi munosabatlarda “muzlik davri”ni boshlab bergan edi. Turkiya tomonidan sodir etilgan ushbu harakatni “orqadan berilgan zarba” deb baholagan Rossiya prezidenti Vladimir Putin Turkiyaga qarshi bir qancha iqtisodiy choralar qoʻllash toʻgʻrisida Farmon chiqardi.

Jumladan, 2016 yilning 1 yanvaridan boshlab Turkiyadan eksport qilinadigan bir qator oziq-ovqat mahsulotlari mamlakat hududiga olib kirilishiga cheklov qoʻyildi, Turkiya va Rossiya oʻrtasidagi vizasiz tartib hamda charter parvozlar bekor qilindi. Bundan tashqari, 2016 yilning 1 yanvaridan boshlab Rossiyalik ish beruvchilarga Turkiya fuqaroliliga ega shaxslarni ishga yollash taʼqiqlandi.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala