TOShKENT, 5 yanv — Sputnik. Aleksey Miller, jurnalistlar bilan bo‘lgan uchrashuvda, kompaniya 2016-yilda O‘zbekistondan sotib olinayotgan gaz hajmini oshirishga qaror qilganligini ta’kidladi va O‘zbekistonlik hamkorlar bilan erishilgan keliishuvni yuqori baholadi.
Miller, O‘zbekistondan sotib olinayotgan gaz hajmini oshgani haqidagi ma’lumaotlarni tasdiqlab shunday dedi: “Ha, tasdiqlayman. Gaz sohasida O‘zbekiston bizning ishonchli hamkorimiz. Biz keyinchalik ham ushbu sohasida o‘zaro samarali bo‘lgan hamkorligimizni davom ettiramiz. Tabiiyki, O‘zbekistondan gaz sotib olish hajmi bu yil o‘sadi.”
Dushanba kuni “Turkmengaz” davlat konserni matbuot xizmati “Gazprom Eksport” kompaniyasi 2016-yildan boshlab ulardan gaz sotib olishni to‘xtatganini xabar bergandi.
“Gazprom” va “Turkmengaz” uzoq vaqtdan beri turkmaniston gazining narxi borasida tortishib kelmoqda. 2015-yilning o‘rtasida rasmiy Axshobod “Gazprom”ni sotib olingan gaz uchun pul to‘lamaganlikda aybladi. 2015-yilning iyunida esa Gazprom, Turkmengaz tomonidan gazning narxi qayta ko‘rib chiqilishi munosobati bilan, Stokgolm arbitraj sudiga murojaat qildi.
2015 yilda Gazprom sotib olinayotgan Turkmaniston gazining hajmini 10 milliard kubometrdan 4 millardga kamaytirdi, qolgan hajmini esa o‘z gazi bilan to‘ldirdi.
Gazprom 2001-yildan beri O‘rta Osiyo gaz ishlab chiqaruvchilari bilan hamkorlik qilib kelmoqda. 2014-yilda Gazprom tomonidan O‘rta Osiyoda 29,52 milliard kubometr gaz ostib olingan. Ulardan 10,98 mlrd kubi Turkmanistondan, 7,38 mlrd kubi O‘zbekistondan va 10, 95 mlrd kubi Qozog‘istondan.
Gazprom tomonidan sotib olinayotgan gaz “O‘rta Osiyo – Markaz” (SAS) gaz quvuri orqali transportirovka qilinadi.
