TOShKENT, 5 yanv — Sputnik. “Sharli Ebdo” jurnali tahririyatiga hujum uyushtirilganiga bir yil bo‘lgani munosabati bilan tahririyat xodimlari muqovada jurnalistlar o‘limiga sababchi aybdor suratini chop etishga qaror qildilar.
Nashrning yangi soni 6-yanvarda sotuvga chiqadi. BFM TV telekanali ma’lumotiga ko‘ra, muqovada Xudoning umumlashtirilgan qiyofasi chop etilgan. U soqolli, qon sachragan kiyimda va yelkasida Kalashnikov avtomati bilan tasvirlangan.
"Oradan bir yil o‘tdi, qotil esa hamon ozodlikda", — deya izoh berilgan karikaturaga. Karikatura muallifi tahririyat rahbari Loran Surisso.
Maxsus sonning bosh maqolasida jurnalistlar “din ustidan kulishga jazm qilgani uchun” tahririyatni yo‘q qilishga ahd qilgan din mutaassiblarini yomonlashgan.
Dinga qarshi siyosat olib boruvchi nashr o‘zining haqoratomuz karikaturalari “qahramonlari” sifatida katolik cherkovlar kardinallari, Rim papasi va davlat rahbarlarini tanlaydilar. Ammo jurnalni dunyoga mashhur qilgan karikatura bu Muhammad payg‘ambarning suratlari bo‘ldi.
Eslatib o‘tamiz, Charlie Hebdo tahririyatiga o‘tgan yilning 7-yanvarida hujum uyushtirilgan edi. Qurollangan ikki jinoyatchi tahririyatga bostirib kirib, odamlarga qarata o‘q ochgan. Natijada 12 kishi halok bo‘lgan, jinoyatchilar voqea joyidan qochishga muvaffaq bo‘lganlar.
