Yaponiyada Shimoliy Koreyadagi sinovdan so‘ng radioaktiv ifloslanish aniqlanmadi

Obuna bo‘lish
Shimoliy Koreyada vodorod bombasi sinovdan o‘tkazilgani haqidagi xabardan so‘ng, Yaponiyaning maxsus o‘lchov uskunalari bilan jihozlangan uchta samolyoti sinov uchun atmosferadan chang zarralarini to‘pladi. Olingan zarralarda radioaktiv moddalar aniqlanmadi.

TOShKENT, 7 yanv — Sputnik, Kseniya Naka. “Yaponiya Mudofaa vazirligi harbiy-havo kuchlari tomonidan chorshanba kuni sinov uchun to‘plangan chang zarralarida radioaktiv moddalar aniqlanmadi. Radiatsiya foni oshishi ham belgilanmadi”, deb xabar qildi Yaponiya atom energetikasi bo‘yicha nazorat Qo‘mitasi, RIA Novosti asosida.

Vodorodli bomba portlashi - Sputnik O‘zbekiston
Shimoliy Koreya «dushmanlarga” vodorodli bomba bilan po‘pisa qilmoqda

Eslatib o‘tamiz, chorshanba kuni Shimoliy Koreya televideniyasida “ertalab o‘tkazilgan vodorod bombasining ilk sinovi muvaffaqiyatli yakunlandi”, deya e’lon qilingan edi. Xalqaro ittifoq, shu jumladan, eng old yadroviy davlatlar Pxenyan hatti-harakatlarini bir ovozdan qoralashdi.

Yetakchi davlat rahbarlari Shimoliy Koreyada vaziyat kundan-kun ziddiylashib borayotganidan havotir ola boshlaganini ma’lum qildilar. Ammo bir vaqtning o‘zida, Janubiy Koreya hukumati Shimoliy Koreyada vodorod bombasi sinovi o‘tkazilganiga ishonmasligini yashirib o‘tirmadi. 

“Shimoliy Koreya o‘z qo‘shnilarini va unga xavf tug‘dirayotgan boshqa davlatlarni shu yo‘l bilan “qo‘rqitib” qo‘ymoqchi”, — deb yozildi ko‘pgina nashrlarda.

 

Yangiliklar lentasi
0