Dunyoda

Obama Turkiya hukumatini Iroqdan oʻz harbiylarini olib chiqib ketishga chaqirdi

© Sputnik / Sergey Guneyev / Fotobankka oʻtishAmerika Qoʻshma Shtatlari(AQSH) prezidenti Barak Obama.
Amerika Qoʻshma Shtatlari(AQSH) prezidenti Barak Obama. - Sputnik Oʻzbekiston
AQSH prezidenti Iroq Bosh vaziri Haydar al-Abadiy bilan telefon orqali suhbatda Turkiyani Bagʻdod rasmiy ruxsatisiz mamlakat hududiga kiritilgan barcha harbiy kuchlarni Iroqdan olib chiqib ketishga chaqirdi.

TOSHKENT, 7 yanv — Sputnik. AQSH prezidenti Iroq Bosh vaziri Haydar al-Abadiy bilan telefon orqali suhbatda Turkiyani Bagʻdod rasmiy ruxsatisiz mamlakat hududiga kiritilgan barcha harbiy kuchlarni Iroqdan olib chiqib ketishga chaqirdi.

Dunyoda
Turkiya harbiylariga Iroq hududini tark etish uchun 48 soat muhlat berildi

"Prezident  Obama Amerika Qoʻshma Shtatlari Iroq hududiy dahlsizligi va suverenitetini qoʻllab-quvvatlashini bildirdi va Turkiyani ham bunga qoʻshilishga chaqirdi. “Obama Turkiyani Bagʻdodning rasmiy ruxsatisiz mamlakat hududiga kiritilgan barcha harbiy kuchlarni olib chiqib ketishga chaqirdi”, — deyiladi OQ Uy rasmiy xabarida.

Bundan sal vaqt oldin Iroq Bosh vaziri Haydar al-Abadiy Turkiya Iroq shimoliy qismidan oʻz harbiylarini olib chiqib ketish kelishuviga rioya qilmayotgani haqida bayonot bergan edi.

Iroq hukumati maʼlumotiga koʻra, 4 dekabr kuni Turkiya harbiylari va bronetexnikasi terrorchilarga qarshi kurash olib borayotgan Xalq koʻngilli qoʻshinlarini tayyorlash bahonasida mamlakatning Nayvan provintsiyasiga kirib kelgan.

Iroq Tashqi ishlar vazirligi hamda Mudofaa vazirligi tomonidan Turkiya harbiylarining mamlakatdagi hozirligi mahalliy hukumat bilan kelishilmagan “dushmanchilik harakati” va mamlakat suverenitetiga dahl qilish sifatida baholandi. Ommaviy axborot vositalaridagi maʼlumotlarga qaraganda, gap 150 nafar turk askarlari haqida bormoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala