Madaniyat

Shohruh reper litsenziyasi olib qoʻyilgani haqidagi mish-mishni inkor etdi

Litsenziyasi olib qoʻyilgani haqidagi mish-mishlarga javoban xonanda Facebookdagi sahifasida amaldagi hujjat fotosuratini ilova qildi.

TOSHKENT, 8 yanv — Sputnik. Taniqli oʻzbek reperi oʻzining litsenziyadan mahrum qilingani haqidagi gap-soʻzlarni inkor qilmoqda. “Sariq matbuot” hamda ijtimoiy tarmoqlarda “bolalab” ketgan mish-mishlarga tezroq chek qoʻyish maqsadida xonanda Facebookdagi sahifasida amaldagi litsenziyasi fotosuratini ilova qildi.

Xonandaning aksariyat muxlislari amaldorlarga ushbu noanʼanaviy musiqa yoʻnalishi koʻpam maʼqul kelmagani uchun ham reperdan litsenziyasi olib qoʻyildi, degan toʻxtamga kelgan edilar. 

"Men haqimda bir qator mish-mishlar yurganidan xabarim bor. Aytishlaricha, litsenziyam olib qoʻyilganmish. Bu gaplarga chek qoʻyish maqsadida litsenziyam fotosuratini ilova qildim. Mana endi muxlislarim yillar davomida ijodimda litsenziya borasida hech qanday muammolar boʻlmaganligini oʻz koʻzlari bilan koʻrishlari mumkin. Men barcha fotosuratlarni ilova qilganman. Litsenziyamni har uch oyda yangilab turaman”, — deb izoh keltiradi xonanda fotosuratlarga.

Xonanda, shuningdek, baʼzi jurnalistlarga biror yangilik aytishdan oldin, maʼlumot haqiqatga qanchalik yaqinligini tekshirib koʻrishni maslahat berdi. “Jurnalistlar oʻz kasbining professionallari boʻlishlari shart”, — taʼkidladi reper.

Yoʻldosheva Lola Ravshanbekovna. Xonanda. - Sputnik Oʻzbekiston
Madaniyat
Lolaga litsenziyasi qaytarildi

Shohruhning fikricha, “Oʻzbeknavo” estrada birlashmasi birorta xonandani sababsiz litsenziyadan mahrum qilmaydi.

Reper, shuningdek, bir necha yillardan buyon nima sababdan estrada olamida koʻrinish bermay qoʻygani sabablarini ham aytdi.

"Xonandachilikdan tashqari ham ishlarim bor. Dono xalqimiz bejizga yigit kishiga qirq hunar ham oz, demagan. Musiqa ham hozirda men uchun orqa planga oʻtgan. Qoʻshiqchilik men uchun xobbi ekanligini faoliyatim avvalida aytganman. Boʻsh vaqt topsamgina musiqa yarataman. Tinglovchilarim uchun bu sirmas”, — taʼkidali reper.

Eslatib oʻtamiz, Shohruh Oʻzbekistonda rep yoʻnalishida birinchilardan boʻlib qoʻshiq kuylagan xonanda. 2005 yilda u “Yil kashfiyoti” nominatsiyasida “Tarona” mukofotiga sazovor boʻlgan. Uchta albom chiqargan. Shular orasida eng mashhuri — “Balandda” albomi.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala