TOShKENT, 8 yanv — Sputnik. Germaniyaning Koln shahri meri Genriyetta Reker Facebookdagi sahifasida nemis ayollarini shahvoniy zo‘ravonlikdan saqlash maqsadida ularga bergan maslahati uchun uzr so‘radi. Mer bundan keyin ayollarga o‘zini tutishi borasida maslahatlar bermaslikni va’da qilgan.
"Agar men o‘z so‘zlarim bilan zo‘ravonlik qurboniga aylangan ayollarning dilini og‘ritgan bo‘lsam, bundan pushaymonligimni aytmoqchiman. Men bundan keyin ayollarga o‘zlarini qanday tutish borasida maslahatlar berishni xohlamayman va bermayman ham”, — deb yozgan u Facebook sahifasida.
Eslatib o‘tamiz, 7-yanvar kuni Koln ober-burgomistri Genriyetta Reker nemis ayollariga yolg‘iz sayr qilmaslikni va notanish kimsalardan “uzatilgan qo‘l masofasi”da yurishni maslahat berganidan so‘ng, Germaniya ommaviy axborot vositalari va ijtimoiy tarmoqlar “e’tirozlar bo‘roni”da qolib ketgan edi.
