TOShKENT, 16 yanv – Sputnik. “Islom davlati” terrorchi guruhi jangarilari Suriyaning Deyr-ez-Zor viloyatida, Al-Bagiliya qishlog‘ida 280 kishini qatl qilishdi. Qurbonlar orasida ayollar, bolalar va qariyalar bor, xabar bermoqda Sputnik agentligi mahalliy aholi ma’lumotiga asosan.
“Bugun jangarilar Deyr-ez-Zorning Al-Bagiliya qishlog‘ida dahshali qotillik uyushtirishdi. 280 kishi o‘ldirildi, ular orasida ayollar, bolalar va qariyalar bor. Sabab — go‘yoki, ular Suriya armiyasi bilan hamkorlik qilishgan emish”, — deb xabar bermoqda mahalliy aholi.
Yaqinda, 10-yanvar kuni ID jangarilari Iroqning Mosul shahrida 80 kishini qatl qilgani haqida xabar bergandik.
