TOShKENT, 18 yanv — Sputnik. O‘zbekiston Milliy aviakompaniyasi yo‘lovchilariga samolyotning uchish va qo‘nish, boshqarilish davomida bortda foto- va videosyomkalarni o‘tkazish ta’qiqlandi, xabar qiladi «Gazeta.uz».
Ushbu ta’qiq, parvozlar xavfsizligi bo‘yicha Davlat nazorat inspeksiyasi boshlig‘i Tolib O‘ljayevning 8-yanvardagi buyrug‘iga asosan havo kemasi bortida yo‘lovchining o‘zini tutish Qoidalariga kiritilgan.
Elektron uskunalar va aloqa vositalaridan foydalanishni ta’qiqlovchi qoida bandiga quyidagicha aniqlik kiritildi: “Havo kemasining yurish, ko‘tarilish va qo‘nish vaqtida elektron va aloqa vositalaridan foydalanish, jumladan, samolyot bortida turib foto suratga va videotasvirga olish man etiladi”.
