Jamiyat

Moskva viloyatida bir guruh oʻsmirlar elektrichka yoʻlovchilarga bita bilan hamla qilishdi

© Sputnik / Vladimir Astapkovich / Fotobankka oʻtishMoskva metropoliteni. "Baumanskaya" bekati.
Moskva metropoliteni. Baumanskaya bekati. - Sputnik Oʻzbekiston
Guvohning soʻzlariga qaraganda, bezorilar avvaliga vagonlar boʻylab yugurib, oʻziga kerakli qurbonni axtarishgan. Hujumdan soʻng, koʻzni yoshlantiruvchi gaz balonlarni ishga solib, koʻzdan gʻoyib boʻlishgan.

 

TOSHKENT, 20 yanv — Sputnik.  Seshanba kuni kechqurun bita va gaz balonlar bilan qurollangan bir guruh oʻsmirlar Kiyev vokzalidan Aprelevkaga qarab yoʻl olgan elektrichka yoʻlovchilariga hujum uyushtirishgan, xabar qiladi RIA Novosti guvoh Ramazon Alpaut soʻzlari asosida.

Yigitning hikoya qilishicha, seshanba kuni kechqurun Solntsevo tumaniga kelib qolgan elektrichkaga yuzlari tibbiyot niqoblari bilan toʻsilgan, bita ushlab olgan 8-10 nafar oʻsmirlar chiqishgan.

“Ular vagon boʻylab yugurib chiqishdi, oʻzlariga kerakli qurbonni topolmadilar, chogʻi, keyingi vagonga qarab oʻtib ketishdi. Tez orada qoʻshni vagondan baqir-chaqir ovozlari kela boshladi. Toʻda oʻttiz yoshlardagi kavkazcha koʻrinishga ega yigitni bita bilan kaltaklayotgani maʼlum boʻldi. Navbatdagi bekatda koʻzni yoshlantiradigan gaz balonlarni vagondagilarga qarata purkagan bezorilar vagondan otilib chiqib, koʻzdan gʻoyib boʻlishdi. Yoʻlovchilar aksirgancha qolib ketaverdi. Jabrdiyda esa qonga belangan holda yotardi”, — hikoya qildi guvoh.

Alpautning soʻzlariga qaraganda, yoʻlovchilar politsiya chaqirishga, mashinist bilan bogʻlanishga harakat qilib koʻrishgan, ammo vagondagi chaqiruv tugmasi nosoz boʻlib chiqqan. Shunda, guvohning oʻzi mashinistlar kabinasigacha yugurib borib, ularga vaziyatni tushuntirgan va keyingi bekatga tez tibby yordam xizmatini chaqirishni soʻragan.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala