TOShKENT, 21 yanv — Sputnik, Margarita Kislova. O‘tgan yilning oktabr oyi oxirlarida yuz bergan A321 aviahalokati Rossiya va Misr o‘rtasidagi aloqalar uzoqlashishiga sabab bo‘lgan edi, RIA Novosti xabari asosida.
“Hozirda ikki davlat o‘rtasidagi diplomatik munosabatlar ijobiy tomonga o‘zgarmoqda, tez orada A321 masalasi to‘liq yopiladi”, deb ta’kidladi Misr Tashqi ishlar vazirligi rasmiy vakili Ahmad Abu Zayd.
"Rossiya samolyoti bilan bog‘liq inqiroz yengib o‘tildi, keyingi bosqichda, ushbu masala batamom yopilishiga umid qilamiz”, — dedi TIV vakili.
Eslatib o‘tamiz, o‘tgan yilning 31-oktabrida A321 samolyoti bortiga qo‘yilgan bomba tufayli Sinay yarimorolida halokatga uchragan edi. Amalga oshirilgan terakt 224 kishining hayotiga zomin bo‘ldi. Ushbu hodisadan keyin o‘z fuqarolarining xavfsizligidan havotir olgan Rossiya hukumati Misr bilan aviaparvozlarni to‘xtatishga qaror qildi.
