Dunyoda

Saudiya Arabistoni qoʻshinlarini Suriyaga olib kirmoqchi

© AP Photo / Khalid MohammedSaudiya Arabistoni qiroli Abdulla ibn Abdul-Aziz Al Saud
Saudiya Arabistoni qiroli Abdulla ibn Abdul-Aziz Al Saud - Sputnik Oʻzbekiston
Saudiya Arabistoni AQSH boshchiligidagi koalitsiya bilan kelishgan holda ISHID terrorchilari bilan kurashish uchun qoʻshinlarini Suriyaga olib kirishga tayor ekanligini xabar qildi.

TOSHKENT, 5 fev — Sputnik. Saudiya arabistoni qoʻshinlarini Suriyaga olib kirishi mumkin, dedi Saudiya arabistoni Mudofaa vaziri maslahatchisi Ahmad Asseri.

Uning soʻzlariga qaraganda, Ar-Riyod terrorchilikka qarshi operatsiyada qatnashish uchun oʻz qoʻshinlarini Suriyaga olib kirishga tayor. Buning uchun ularga faqat AQSH boshchiligidagi xalqaro koalitsiya ruxsat bersa boʻldi. Ushbu qaror kelasi hafta Bryusselda boʻlib oʻtadigan NATO sammitida qabul qilinishi mumkin. AQSH Mudofaa vaziri Eshton Karter NATO sammitida Saudiya Arabistoni vakillari bilan ushbu taklifni muhokama qilishini tasdiqladi.

Asseri "Al-Arabiya" telekanalida aytgan xabariga koʻra, Yamandagi harbiy operatsiya muvaffaqiyatli yakunlanishi munosobati bilan saudiya Arabistoni Suriyada hujumga oʻtish uchun bir necha ming askar ajratishi mumkin.

Rossiya TIV rasmiy vakili Mariya Zaxarova ushbu xabarga izoh berar ekan, oʻzining Facebook ida “Soʻrashga uyalayapman-u, lekin Yamanda hammani yengib boʻldinglarmi?” deya piching qildi.

Eslatib oʻtamiz, Saudiya Arabistoni Yamanda oʻtgan yilning martidan boshlab quvgʻin prezident Abd Rabbu Mansur Hodi boshchiligidagi qoʻshinlarga harbiy yordam koʻrsatib kelmoqda. Ularga qarshi shiya musulmonlaridan tashkil topgan Xusitlar muxolifati turibdi. Xusitlar, asosan, Eron tomonidan qoʻllab-quvvatlanmoqda.   

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala