Jamiyat

Oʻzbekistonda odam savdosi bilan shugʻullangan jinoyatchilar qoʻlga olindi

Odam savdosi – inson huquqlari qoʻpol ravishda buziladigan qullikning zamonaviy koʻrinishidir. Taʼkidlash joizki, odam savdosi daromad manbai jihatdan narkotik va qurol savdosidan keyin, dunyoda uchinchi oʻrinni egallaydi. Ayni paytda yer yuzida 4 million nafarga yaqin kishi odam savdosi qurboniga aylangan.

 

TOSHKENT, 10 fev — Sputnik. Mamlakatimizda odam savdosi bilan shugʻullangan toʻrt jinoyatchi ustidan sud hukmi oʻqildi. Ular tomonidan “jonli” tovarning oxirgi partiyasi 2015 yil may oyida Qozogʻistonga yetkazib berilgan, deya xabar berdi Sputnik muxbiriga huquqni muhofaza qilish organlaridagi manba.

Yongʻin holati. - Sputnik Oʻzbekiston
Jamiyat
Manba: Rossiyadan ishdan boʻshatilgan oʻzbekistonlik oʻz ota-onasini yoqib yubordi

Qozogʻiston va Rossiyaga “jonli” tovar yetkazib berib turgan toʻrt kishidan iborat jinoiy guruh oʻz faoliyatini juda puxta yoʻlga qoʻyilgan sxema orqali amalga oshirgan: guruhning har bir aʼzosi oʻz “uchastkasi” uchun javob bergan.

Jumladan, Fazliddin Husanov chet elda ishlab kelish ishtiyoqida boʻlganlarning roʻyxatini tuzish bilan shugʻullangan. U bu ish uchun alohida jurnal tutib,  oʻziga xos “maʼlumotlar bazasi”ni yaratgan. Jurnalda migrantning ism va familiyasidan tashqari, uning safarga joʻnash sanasi hamda belgilangan manzilga qachon yetib borganligi haqida maʼlumotlar qayd etib borilgan. “Buxgalterlik” vazifasini ham Fazliddin Husanov olib borgan. Jurnaldagi maʼlumotlarga qaraganda, barcha chiqim va tushum qatʼiy nazorat ostida boʻlgan.

“Asosan Fargʻona vodiysidan keladigan fuqarolarni poytaxtning belgilangan manzillarida toʻplash uchun Toshkent shahar IIB navbatchilik boʻlimi sobiq xodimi Qobil Tolipov masʼul boʻlgan. Uning yordamchisi tuzgan roʻyxatga koʻra, Tolipov odamlarni “Qoʻyliq” bozori yaqinida toʻplagan va oʻziga tegishli  Damas rusumli avtomobilda oʻzbek-qozoq chegarasidagi nazorati punktiga qadar olib borgan”, — taʼkidlaydi suhbatdosh.

Jinoiy guruhning yana bir aʼzosi Hasan Fayziyev jinoiy biznesda alohida rol oʻynagan. U mehnat migrantlarini “Gʻisht koʻprik” tamojnyasidan olib oʻtib, qozogʻistonlik sheriklar qoʻliga topshirgan. Qozogʻistonda ishning qolgan qismi bilan Jamila ismli ayol shugʻullangan. Bu ayol nazoratida Oʻzbekiston fuqarolari kelishilgan joyda qonunga xilof ravishda chegarani buzib oʻtib, Rossiyaga kirib borishgan.

Fayziyev huquqni muhofaza qilish organlarida tanish-bilishlarga egaligi sababli, jinoyatchilar maʼlum vaqtgacha javobgarlikka tortilishdan saqlanib kelganlar.

Yuqorida sanab oʻtilgan jinoyatchilar Toshkent viloyatidan boʻlib, ularning hech biri doimiy ish joyiga ega emas.

Jinoiy guruhning toʻrtinchi aʼzosi Olimjon Ortiqboyev odamlar toʻplanadigan va vaqtincha yashaydigan punktlarda “nazoratchi” rolini bajargan. Barcha punktlar Toshkent viloyati hududida joylashgan. 29 yashar Rahmatulla Qalandarovni oʻziga sherik qilib olgan Olimjon Ortiqboyev Oʻzbekiston viloyatlaridan “jonli” tovarlarni yetkazib berish bilan shugʻullangan.

Kishan solingan qoʻllar - Sputnik Oʻzbekiston
Jamiyat
Namanganda ekstremistik gʻoyalar targʻibotchilariga sud hukmi oʻqildi

Oʻz faoliyatini yuqorida aytilgan sxemada amalga oshirgan jinoiy guruh 2013 yildan 2015 yilga qadar talaygina mehnat migrantlarini chet elga yuborishga muvaffaq boʻlgan. Oʻrtakashlarning har biri oʻz xizmati uchun moʻmaygina daromadni qoʻlga kiritgan.

Jinoyatchilar tomonidan “jonli” tovarning oxirgi partiyasi 2015 yilning may oyida Qozogʻistonga yetkazib berilgan. Aynan shu vaqtda huquqni muhofaza qilish organlari xodimlari qoʻshni davlatga fuqarolarni noqonuniy yoʻl bilan yetkazib berish kanalini aniqlab, bartaraf etishga muvaffaq boʻlishgan. Avvaliga  Tolipov, Fayziyev va Husanov, sal vaqt oʻtgach, Ortiqboyev va Qalandarov qoʻlga olingan.

Sud jarayoni davomida jinoyatchilar toʻliq oʻz aybiga iqror boʻlib, qilgan ishlaridan pushaymon ekanliklarini bildirganlar. Toʻrtala jinoyatchi ham Oʻzbekiston Respublikasi qonunchiligiga muvofiq javobgarlikka tortildi.

Tan olish kerak, dunyo miqyosida tobora dolzarb muammoga aynalayotgan odam savdosi muammosidan mamlakatimiz ham holi emas. Mazkur muammoning oldini olish, unga qarshi kurashish, odam savdosi jabrlanuvchilarini har tomonlama himoya qilish borasida bir qator normativ-huquqiy hujjatlar bazasi yaratilgan. Xususan, 2008 yil 17 apreldagi Oʻzbekiston Respublikasining «Odam savdosiga qarshi kurashish toʻgʻrisida» gi Qonunining ijrosi kun tartibidagi muhim vazifalardan biriga aylangan.

 

 

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala